ఇటీవల థ్రిల్లర్, యాక్షన్ మూవీస్ ఎక్కువగా వస్తున్నాయి. ఇలాంటి టైమ్ లో ఫ్యూర్ ఫ్యామిలీ ఎంటర్ టైనర్స్ రావడం లేదు. ఆ లోటును తమ “ధూం ధాం” సినిమా తీరుస్తుందని చెబుతున్నారు యంగ్ టాలెంటెడ్ డైరెక్టర్ సాయికిషోర్ మచ్చా. ఆయన దర్శకత్వంలో రూపొందిన ఈ సినిమాలో చేతన్ కృష్ణ, హెబ్బా పటేల్ హీరో హీరోయిన్లుగా నటించారు. ఈ చిత్రాన్ని ఫ్రైడే ఫ్రేమ్ వర్క్స్ బ్యానర్ పై ఎంఎస్ రామ్ కుమార్ నిర్మిస్తున్నారు. గోపీ మోహన్ స్టోరీ స్క్రీన్ ప్లే ఆకర్షణగా నిలవనుంది. “ధూం ధాం” సినిమా ఈ నెల 8వ తేదీన థియేటర్స్ లోకి రాబోతోంది. “ధూం ధాం” సినిమా హైలైట్స్ ఈ రోజు జరిగిన ఇంటర్వ్యూలో తెలిపారు డైరెక్టర్ సాయికిషోర్ మచ్చా.
డైరెక్టర్ సాయికిషోర్ మచ్చా మాట్లాడుతూ – తండ్రీ కొడుకుల మధ్య అనుబంధం నేపథ్యంలో సాగే కథ ఇది. దాంతో పాటు మంచి ప్రేమ కథ ఉంటుంది. తండ్రీ కొడుకుల అనుబంధం కారణంగా వల్ల నాయిక జీవితంలో ఒక అనుకోని ఘటన జరుగుతుంది. దాన్ని సరిదిద్దేందుకు హీరో ఎలాంటి ప్రయత్నం చేశాడు అనేది కథ. సినిమా సరదాగా మొదలై ఇంటర్వెల్ దాకా మంచి సాంగ్స్, లవ్ ట్రాక్ తో ప్లెజెంట్ గా వెళ్తుంది. ఇంటర్వెల్ నుంచి పెళ్లి ఇంట జరిగే సందడి మిమ్మల్ని హిలేరియస్ గా నవ్విస్తుంది. వెన్నెల కిషోర్ సెకండాఫ్ లో బాగా నవ్విస్తాడు. ఈ మధ్య మనం థ్రిల్లర్, పేట్రియాటిక్, స్కామ్ మూవీస్ చూస్తున్నాం. వాటిలో కామెడీ మిస్ అయ్యాం. ఆ మిస్ అయిన ఎంటర్ టైన్ మెంట్ “ధూం ధాం” సినిమాలో చూస్తారు. మీరు కొనే టికెట్ ధరకు విలువైన ఎంటర్ టైన్ మెంట్ ఇస్తుంది. అన్నారు.
