తెలుగు స్టార్ హీరోలపై ఆసక్తికర వ్యాఖ్యలు చేశారు హీరో ధనుష్ (Dhanush). ఆయన హీరోగా నటిస్తున్న రాయన్ (Raayan) తెలుగు ట్రైలర్ ను నిన్న హైదరాబాద్ లో జరిగిన ఈవెంట్ లో రిలీజ్ చేశారు. ఈ సందర్భంగా ధనుష్ మాట్లాడుతూ తనకు పవన్ కల్యాణ్ (Pawan kalyan) అంటే చాలా ఇష్టమని, ఆయనకు తను పెద్ద అభిమానిని అని చెప్పారు. అలాగే మహేశ్ (Mahesh babu), రామ్ చరణ్ (Ram charan), అల్లు అర్జున్ (Allu arjun) లలో ఎవరితో కలిసి మూవీ చేయాలనుకుంటున్నారని అడగగా ఎన్టీఆర్ (NTR) తో కలిసి నటించాలని ఉందని చెప్పారు.
ధనుష్, ఎన్టీఆర్ మల్టీస్టారర్ ఆలోచన పాన్ ఇండియా ప్రాజెక్ట్ కు బాగుంటుందనే అనుకోవచ్చు. రాయన్ ధనుష్ కు 50వ సినిమా. ఈ చిత్రానికే ఆయనే దర్శకత్వం వహించారు. ఎస్ జే సూర్య, ప్రకాష్ రాజ్, సందీప్ కిషన్ (Sandeep kishan), అపర్ణ బాలమురళి, దుషారా విజయన్ ప్రధాన పాత్రల్లో నటించిన రాయన్ సినిమా ఈ నెల 26న థియేటర్స్ లోకి రాబోతోంది. సన్ పిక్చర్స్ (Sun pictures) ఈ సినిమాను నిర్మించింది.
