ఎన్టీఆర్ హీరోగా నటించిన దేవర సినిమా ఓటీటీ డేట్ కన్ఫర్మ్ అయ్యింది. ఈ సినిమా నెట్ ఫ్లిక్స్ లో ఈ నెల 8వ తేదీ నుంచి స్ట్రీమింగ్ కాబోతోంది. హిందీతో పాటు తెలుగు, తమిళ, మలయాళ, కన్నడలో దేవర అందుబాటులో ఉండనుంది. దేవర స్ట్రీమింగ్ పై నెట్ ఫ్లిక్స్ ఈ రోజు అఫీషియల్ అప్డేట్ ఇచ్చింది.
ఎన్టీఆర్ ఆర్ట్స్ యువసుధ ఆర్ట్స్ సంయుక్త నిర్మాణంలో దర్శకుడు కొరటాల శివ ఈ చిత్రాన్ని రూపొందించారు. రెండు భాగాల దేవరలో సెకండ్ పార్ట్ త్వరలో షూటింగ్ కు వెళ్లనుంది. దేవరతో జాన్వీ కపూర్ తెలుగు ప్రేక్షకులకు పరిచయమైంది. ఈ సినిమా బాక్సాఫీస్ వద్ద 500 కోట్ల రూపాయలకు పైగా గ్రాస్ కలెక్షన్స్ చేసింది. దేవర ఓటీటీలోకి రావడం కాస్త ఆలస్యమైనా క్రేజ్ అలాగే ఉంది.
