బాలీవుడ్ స్టార్ హీరో రణ్ బీర్ కపూర్ నటిస్తున్న పాన్ ఇండియా మూవీ యానిమల్ టీజర్ రిలీజ్ కు టైమ్ ఫిక్స్ అయ్యింది. ఈ సినిమా టీజర్ ఈ నెల 28న రణ్ బీర్ కపూర్ పుట్టినరోజు సందర్భంగా రిలీజ్ కాబోతోంది. ఉదయం 10 గంటలకు టీజర్ టైమ్ ఫిక్స్ చేశారు. టీ సిరీస్ నిర్మాణంలో దర్శకుడు సందీప్ రెడ్డి వంగా ఈ సినిమాను రూపొందిస్తుండగా…రశ్మిక మందన్న హీరోయిన్ గా నటిస్తోంది. డిసెంబర్ 1న యానిమల్ వరల్డ్ వైడ్ గా రిలీజ్ కు రెడీ అవుతోంది.
యానిమల్ సినిమాలో రణ్ బీర్ కపూర్ అండల్ వరల్డ్ డాన్ క్యారెక్టర్ లో కనిపించబోతున్నారు. తండ్రీ కొడుకుల మధ్య సాగే వార్ లో కొడుకు ఎలాంటి లైఫ్ స్టైల్ లోకి మారిపోయాడు. ఆ తర్వాత క్రూరమైన అండర్ వరల్డ్ డాన్ గా ఎలా ఎదిగాడు అనేది ఈ సినిమా కథగా ఉండబోతున్నట్లు తెలుస్తోంది. గతంలో రిలీజ్ చేసిన యానిమల్ గ్లింప్స్ లో బ్లడ్ షెడ్ ఉండటంతో కంప్లీట్ యాక్షన్ మూవీగా యానిమల్ ఉంటుందనే అంచనాలు ఏర్పడుతున్నాయి.
అర్జున్ రెడ్డి హిందీ రీమేక్ కబీర్ సింగ్ తో బాలీవుడ్ లో సూపర్ హిట్ కొట్టారు దర్శకుడు సందీప్ రెడ్డి వంగా. ఈ సినిమా సక్సెస్ ఆయనకు హిందీ సర్కిల్ లో మంచి గుర్తింపు తీసుకొచ్చింది. బాలీవుడ్ స్టార్ హీరోలు సందీప్ తో సినిమా చేసేందుకు ఆసక్తి చూపించారు. ఈ దర్శకుడు నెక్ట్ ప్రభాస్ తో స్పిరిట్ మూవీ చేస్తున్నారు. ఈ సినిమాను కూడా టీ సిరీస్ సంస్థ నిర్మించనుంది.
