ఇండియన్ సిల్వర్ స్క్రీన్ మీద కేజీఎఫ్ సృష్టించిన చరిత్ర సాధారణమైంది కాదు. రాకీ భాయ్ క్యారెక్టర్ ఇమేజ్ ఏ హాలీవుడ్ సూపర్ హీరోకు తీసిపోనంత క్రేజ్ తెచ్చుకుంది. బాహుబలి తర్వాత కేజీఎఫ్ రెండు సినిమాలు పాన్ ఇండియా ప్రాజెక్ట్ లకు ఎంతో కాన్ఫిడెన్స్ ఇచ్చాయి. ఈ సిరీస్ లో మూడో సినిమా కోసం ఫిల్మ్ లవర్స్ ఎదురుచూస్తున్నారు.
ఇటీవల కేజీఎఫ్ 2 యానివర్సరీ సందర్భంగా మేకర్స్ కేజీఎఫ్ 3 గురించి అప్ డేట్ ఇచ్చారు. దీని ప్రకారం చూస్తే వచ్చే ఏడాది కేజీఎఫ్ 3 షూటింగ్ ప్రారంభించే అవకాశాలున్నాయి. దర్శకుడు ప్రశాంత్ నీల్ ప్రస్తుతం ప్రభాస్ తో సలార్ సినిమా రూపొందిస్తున్నారు. ఇది రెండు భాగాల సినిమా కాగా..తొలి పార్ట్ సీజ్ ఫైర్ సెప్టెంబర్ 28న రిలీజ్ కాబోతోంది. సెకండ్ పార్ట్ కూడా షూటింగ్ దాదాపు పూర్తి చేశారట. ఈ సినిమా మిగతా షూటింగ్ కూడా కంప్లీట్ చేసి కేజీఎఫ్ 3 స్క్రిప్ట్ చేసుకోవాలని దర్శకుడు ప్రశాంత్ నీల్ భావిస్తున్నారట.
సలార్ సెకండ్ పార్ట్ వచ్చే ఏడాది విడుదల కానుంది. ఆ సినిమా రిలీజ్ కాకముందే కేజీఎఫ్ 3 సెట్స్ మీదకు వెళ్లే అవకాశాలున్నాయి. హోంబలే ఫిలింస్ సంస్థ ఈ ప్రెస్టీజియస్ మూవీస్ నిర్మిస్తోంది.
