చిరంజీవి హీరోగా త్రివిక్రమ్ దర్శకత్వంలో ఓ మెగా ప్రాజెక్ట్ రాబోతున్నట్లు తెలుస్తోంది. చిరంజీవి తన అభిమాన హీరో అంటూ త్రివిక్రమ్ చాలా సందర్భాల్లో చెప్పుకున్నారు. వీరు కలిసి జై చిరంజీవి సినిమాకు పనిచేశారు. ఆ సినిమాకు త్రివిక్రమ్ కథ మాటలు అందించారు. త్రివిక్రమ్ రచన శైలి అంటే మెగాస్టార్ కు ఇష్టమే. వీరి కాంబోలో మూవీ కోసం సినీ ప్రియులు ఎదురుచూస్తున్నారు. అంతా ఎదురుచూస్తున్న ఆ మెగా ప్రాజెక్ట్ కు చర్చలు జరుగుతున్నట్లు సమాచారం.
చిరంజీవి కెరీర్ లో పెద్ద సక్సెస్ అందించి ఆయనను స్టార్ గా చేసిన సినిమా ఖైదీ. ఎయిటీస్ లో వచ్చిన ఈ సినిమా సీక్వెల్ చేయాలనే చిరంజీవి అనుకుంటున్నారట. ఈ సీక్వెల్ సినిమాను నేటి ట్రెండ్ ప్రేక్షకులకు నచ్చేలా చేద్దామంటూ త్రివిక్రమ్ కు తన ఆలోచన చెప్పారట చిరంజీవి.
ఈ కథకు ఒక లైన్ కూడా ఓకే అయ్యిందట. మెగాస్టార్ ఇప్పుడున్న కమిట్ మెంట్స్, అటు త్రివిక్రమ్ సినిమాలు పూర్తయ్యాక ఈ మెగా ప్రాజెక్ట్ సెట్స్ మీదకు వెళ్తుందని తెలుస్తోంది. ఈ సినిమాను మెగాస్టార్ తనే ప్రెస్టీజియస్ గా నిర్మించాలని అనుకుంటున్నారట.
