టైగర్ ష్రాఫ్ హీరోగా నటిస్తున్న గణపథ్ సినిమా తెలుగు టీజర్ ను మెగాస్టార్ చిరంజీవి షేర్ చేశారు. ఈ సినిమాను దర్శకుడు వికాస్ బాల్ తెరకెక్కించారు. కృతి సనన్ హీరోయిన్ గా నటించగా..అమితాబ్ బచ్చన్ కీ రోల్ ప్లే చేస్తున్నారు. దసరా పండుగ సందర్భంగా అక్టోబర్ 20న ఈ సినిమా రిలీజ్ కాబోతోంది. గణపథ్ తెలుగు షేర్ చేయడం సంతోషంగా ఉందంటూ మెగాస్టార్ ట్వీట్ చేశారు.
టీజర్ ఎలా ఉందో చూస్తే ..2070 సంవత్సరం నేపథ్యంలో టీజర్ సాగింది. అప్పటి ప్రపంచంలో ఎవరికీ హోప్స్ ఉండవు, ఎవరి మీద దయ ఉండదు. ప్రజలు ఆహారం కోసం కూడా పోరాడాల్సి వస్తుంది. అలాంటి టైమ్ లో ఈ పరిస్థితుల మీద పోరాడేందుకు ఒక హీరో పుట్టుకొస్తాడు. అతను చేసే సాహసోపేత పోరాటాలతో గణపథ్ టీజర్ ఆకట్టుకుంది. హీరో టైగర్ ష్రాఫ్ తో పాటు హీరోయిన్ కృతి సనన్ కూడా అదిరిపోయే యాక్షన్ చేసింది. పాన్ ఇండియా స్థాయిలో తెలుగులోనూ గణపథ్ రిలీజ్ కాబోతోంది. ఇప్పుడున్న దసరా బాక్సాఫీస్ పోటీకి ఈ బాలీవుడ్ మూవీ కూడా చేరినట్లయింది.
