అక్కినేని శతజయంతి ఏడాదిలో ప్రతిష్టాత్మక ఏఎన్నార్ అవార్డ్ ను మెగాస్టార్ చిరంజీవికి అందజేశారు. దిగ్గజ నటుడు అమితాబ్ బచ్చన్ చేతుల మీదుగా ఈ అవార్డ్ ప్రధానోత్సవం ఘనంగా జరిగింది. ఈ కార్యక్రమంలో పలువురు టాలీవుడ్ ప్రముఖులు పాల్గొన్నారు. తాను నటుడిగా మారేందుకు చిరంజీవిని చూసి ఇన్స్ పైర్ అయ్యానని నాగార్జున చెప్పగా..నాగార్జున తనకు ఫిట్ నెస్ సలహాలు ఇస్తూ ఒక వైద్యుడిగా సపోర్ట్ చేస్తారని చిరంజీవి అన్నారు.
మెగాస్టార్ మాట్లాడుతూ – ఏఎన్నార్ అవార్డు మాములు అవార్డు కాదు. నా కెరీర్ లో ఎంతో ప్రత్యేకమైంది. నేను ఇంట గెలిచాను. రచ్చ గెలిచాను అని అనిపిస్తోంది. పద్మ భూషణ్, పద్మ విభూషణ్ ఇలా ఎన్ని వచ్చిన సరే టాలీవుడ్ కు చెందిన నా మిత్రులు నన్ను గుర్తించి ఇలాంటి అవార్డులు ఇవ్వటం నిజమైన విజయంగా భావిస్తున్నా. అని అన్నారు.
చిరంజీవి తనకు మంచి మిత్రుడని అమితాబ్ బచ్చన్ అన్నారు. ఒకసారి హైదరాబాద్ వచ్చినప్పుడు భోజనం పంపించమని కోరితే ఒక హోటల్ పెట్టేన్ని వంటకాలు పంపించారని అమితాబ్ గుర్తుచేసుకున్నారు. మనం, సైరా నరసింహారెడ్డి, కల్కి చిత్రాల్లో నటించడం ద్వారా తెలుగు చిత్ర పరిశ్రమలో తానూ ఓ భాగమయ్యానని అమితాబ్ చెప్పారు.
