బాహుబలి సినిమాతో బాలీవుడ్.. టాలీవుడ్ వైపు చూసింది. ఆర్ఆర్ఆర్ మూవీతో హాలీవుడ్ సైతం.. టాలీవుడ్ వైపు చూసింది. టాలీవుడ్ లో భారీగా పాన్ ఇండియా, పాన్ వరల్డ్ మూవీస్ రూపొందుతుండడం.. బాలీవుడ్ స్టార్స్ తో కీలక పాత్రలు చేయిస్తుండడంతో బాలీవుడ్ స్టార్స్ బాగా డిమాండ్ చేస్తున్నారని వార్తలు వస్తున్నాయి. ఎన్టీఆర్, కొరటాల శివ కాంబినేషన్లో రూపొందుతోన్న దేవర సినిమా కోసం సైఫ్ ఆలీఖాన్ 14 కోట్లు రెమ్యూనరేషన్ తీసుకున్నారని గుసగుసలు వినిపిస్తున్నాయి. అలాగే దేవరలో నటిస్తున్న జాన్వీ కపూర్ కూడా 4 కోట్లకు పైగా తీసుకుందట.
రామ్, పూరి కాంబోలో తెరకెక్కుతున్న మూవీ డబుల్ ఇస్మార్ట్. ఇది ఇస్మార్ట్ శంకర్ మూవీకి సీక్వెల్. భారీ పాన్ ఇండియా మూవీగా రూపొందుతోన్న డబుల్ ఇస్మార్ట్ లో బాలీవుడ్ స్టార్ సంజయ్ దత్ విలన్ గా నటించనున్నారు. అయితే.. ఈ సినిమా కోసం సంజయ్ దత్ 10 కోట్లు రెమ్యూనరేషన్ తీసుకున్నారట. మన వాళ్లకు బాలీవుడ్ వాళ్ల క్రేజ్ కావాలి.. దాంతో పాటు వచ్చే నాన్ థియేట్రికల్ మార్కెట్ కావాలి. బాలీవుడ్ స్టార్స్ కు మన మనీ కావాలి. మొత్తానికి బాలీవుడ్ స్టార్స్ రెమ్యూనరేషన్ బాగా డిమాండ్ చేస్తున్నారని సమాచారం.
