స్టార్ హీరో ప్రభాస్ సలార్ మూవీ భారీ ఓపెనింగ్స్ దిశగా అడుగులు వేస్తోంది. ఈ సినిమా ఫస్ట్ డే యూఎస్ లో హాఫ్ మిలియన్ కు పైగా వసూళ్లను సాధించడం రికార్డ్ గా చెబుతున్నారు. ప్రీమియర్స్ లో 2 మిలియన్ కు టచ్ అయిన కలెక్షన్స్…డే 1లో హాఫ్ మిలియన్ యాడ్ అయ్యాయి. నిన్ననే సలార్ యూఎస్ లో రిలీజైంది. దీంతో దాదాపు 2.5 మిలియన్ డాలర్స్ కలెక్షన్స్ సలార్ దక్కించుకుంది.
ఇక తెలుగు రాష్ట్రాలతో పాటు కర్ణాటక, కేరళలో సలార్ క్రేజ్ మామూలుగా లేదు. నిన్న రాత్రి నుంచే థియేటర్స్ దగ్గర బాణాసంచాతో ఫ్యాన్స్ సంబరాలు చేస్తున్నారు. అర్థరాత్రి నుంచే ప్రేక్షకులతో థియేటర్స్ కళకళలాడుతూ కనిపించాయి. రాత్రి 1 గంట నుంచే బెన్ ఫిట్ షోస్ పడటంతో ప్రతి థియేటర్ సందడిగా మారింది. ఇలాంటి కళ ఎప్పుడో ఒక సినిమా రిలీజ్ టైమ్ లో కనిపిస్తుందని అటు థియేటర్స్ యాజమాన్యాలు చెబుతున్నాయి. డే1 కలెక్షన్ రిపోర్ట్ రావాల్సిఉంది. మొత్తంగా డే 1 బాక్సాఫీస్ వద్ద సలార్ కొత్త రికార్డులు సృష్టించే అవకాశాలున్నాయి.
