మెగాస్టార్ చిరంజీవి నటించిన కొత్త సినిమా భోళా శంకర్ హిందీలో రిలీజ్ కు రెడీ అవుతోంది. ఈ సినిమాను ఈనెల 25న హిందీలో రిలీజ్ చేస్తున్నట్లు మేకర్స్ ప్రకటించారు. ప్రస్తుతం పాన్ ఇండియా ట్రెండ్ నడుస్తున్న నేపథ్యంలో ఉత్తరాదిన ఈ సినిమాకు ఆదరణ లభిస్తుందని ఆశిస్తున్నారు మూవీ టీమ్. ఫైట్స్ ఎక్కువగా ఉండే సినిమాలకు సహజంగానే హిందీలో వ్యూయర్ షిప్ ఎక్కువ. భోళా శంకర్ లో యాక్షన్ సీక్వెన్సులకు లోటేమీ లేదు కాబట్టి హిందీ బాక్సాఫీస్ పై ఆశలు పెట్టుకుందీ సినిమా.
ఇక తెలుగు రాష్ట్రాల్లో భోళా శంకర్ బాక్సాఫీస్ పరిస్థితి బాగా పడిపోయింది. తొలి రోజు 15 కోట్ల రూపాయలు, రెండో రోజు 3 కోట్ల రూపాయల గ్రాస్ రాబట్టిన ఈ సినిమా మూడో రోజు ఏపీ తెలంగాణలో కలిపి జస్ట్ 18 లక్షల రూపాయలు కలెక్ట్ చేసింది. ఇది అంకెల పరంగా చూస్తే మెగాస్టార్ కెరీర్ లోనే లోయెస్ట్ గా ట్రేడ్ వర్గాలు చెబుతున్నాయి. ఏకే ఎంటర్ టైన్ మెంట్స్ బ్యానర్ పై దర్శకుడు మెహర్ రమేష్ ఈ సినిమాను రూపొందించారు. కీర్తి సురేష్, తమన్నా క్రేజ్ కూడా సినిమాను ఏమాత్రం కాపాడలేకపోయింది.
