మెగాస్టార్ చిరంజీవి హీరోగా స్టైలీష్ మేకర్ మెహర్ రమేష్ తెరకెక్కిస్తున్న భారీ చిత్రం భోళా శంకర్. ఈ చిత్రంలో చిరంజీవికి జంటగా మిల్కీబ్యూటీ తమన్నా నటిస్తుంటే.. చెల్లెలు పాత్రలో కీర్తి సురేష్ నటిస్తుంది. అక్కినేని ఫ్యామిలీ హీరో సుశాంత్ గెస్ట్ రోల్ చేస్తుండడం విశేషం. ఏకే ఎంటర్టైన్మెంట్స్ బ్యానర్ పై ఎంతో ప్రతిష్టాత్మకంగా నిర్మిస్తున్న భోళా శంకర్ ఫస్ట్ లుక్ టీజర్ ని నేడు గ్రాండ్ గా విడుదల చేసారు. ఈ టీజర్ ను తెలుగు రాష్ట్రాల్లో 40 థియేటర్లో రిలీజ్ చేశారు. చిరును అభిమానులు ఎలా చూడాలి అనుకుంటారో అలా ఇందులో కనిపించడంతో టీజర్ కు అనూహ్య స్పందన వచ్చింది.
టీజర్ విషయానికి వస్తే… ఏకంగా 33 మందిని చంపిన చిరంజీవి పవర్ ఫుల్ ఇంట్రోతో టీజర్ స్టార్ట్ అవుతుంది. టీజర్‌లో మెగాస్టార్ లుక్, బాడీ లాంగ్వేజ్ తన మ్యానరిజమ్స్ మరియు డైలాగ్ డెలివరీతో ఆకట్టుకున్నారు. ఇలా టీజర్ రిలీజ్ చేశారో లేదో అలా యూట్యూబ్ ని షేక్ చేస్తూ రికార్డ్ వ్యూస్ తో దూసుకెళుతుంది. ఇందులో సుశాంత్ కూడా కొత్తగా కనిపించాడు. ఈ భారీ చిత్రాన్ని ఆగష్టు 11న విడుదల చేయనున్నారు. మరి.. వాల్తేరు వీరయ్యతో బ్లాక్ బస్టర్ సాధించిన చిరు భోళా శంకర్ సినిమాతో కూడా సక్సెస్ సాధిస్తాడేమో చూడాలి.
