ఈ మధ్య పవన్ కల్యాణ్…ఆయన భక్తుడైన నిర్మాత బండ్ల గణేష్ కు మధ్య కొంత గ్యాప్ ఏర్పడింది. అది దర్శకుడు త్రివిక్రమ్ వల్లేననేది సోషల్ మీడియాలో వినిపిస్తున్న మాట. పవన్ ను కలవకుండా తనకు త్రివిక్రమ్ అడ్డుపడుతున్నాడని బండ్లన్న ఆరోపణ. ఆ మధ్య పవన్ కు నెగిటివ్ అర్థం వచ్చేలా కొన్ని ట్వీట్స్ కూడా చేశాడు బండ్ల గణేష్. అభిమానులు ప్రశ్నించగానే…అదేం లేదు ఆయన నా దేవుడు అంటూ చెప్పుకున్నాడు. ఈ నేపథ్యంలో పవర్ స్టార్ స్టామినా చూపించేందుకు గబ్బర్ సింగ్ రీ రిలీజ్ చేస్తానంటూ తాజాగా బండ్ల గణేష్ ట్వీట్ చేశాడు.
సెప్టెంబర్ 2న పవర్ స్టార్ స్టామినా చూపించేందుకు గబ్బర్ సింగ్ రీ రిలీజ్ చేస్తామంటూ బండ్ల గణేష్ చేసిన ట్వీట్ వైరల్ అవుతోంది. ఈ ట్వీట్ ను ఆ సినిమా దర్శకుడు హరీశ్ శంకర్ రీట్వీట్ చేశారు. సెప్టెంబర్ 2న పవన్ కల్యాణ్ పుట్టినరోజు. ఈ మధ్య పుట్టినరోజులకు స్టార్స్ బ్లాక్ బస్టర్ మూవీస్ కొత్త టెక్నాలజీతో రీ రిలీజ్ చేయడం ట్రెండ్ అయ్యింది. ఈ క్రమంలో గబ్బర్ సింగ్ రీ రిలీజ్ కు రాబోతోంది. మరోవైపు సెప్టెంబర్ 1న పవన్ గుడుంబా శంకర్ ను రీ రిలీజ్ చేస్తామని నాగబాబు వెల్లడించారు.
సెప్టెంబర్ 2న పవర్ స్టార్ రేంజ్ ఏంటో పవర్ స్టార్ స్టామినాయేంటో గబ్బర్ సింగ్ ద్వారా మరోసారి చూపిస్తాం 🔥🔥🔥🔥@harish2you
— BANDLA GANESH. (@ganeshbandla) August 9, 2023
