బాలకృష్ణ(Balakrishna) బాబీ(Bobby kolli) డైరెక్షన్ లో యాక్షన్ ఎంటర్ టైనర్ మూవీ చేస్తున్నాడు. ఈ చిత్రాన్ని డిసెంబర్ లో రిలీజ్ చేయాలి అనుకున్నారు కానీ.. సంక్రాంతికి థియేటర్స్ లోకి రానుంది. బాలకృష్ణ 109వ చిత్రంగా రూపొందుతోన్న ఈ మూవీ టైటిల్ అండ్ రిలీజ్ డేట్ ను త్వరలోనే అనౌన్స్ చేయనున్నారు. ఈ మూవీ తర్వాత డైరెక్టర్ బోయపాటి శ్రీనుతో అఖండ 2 చేయనున్నారు. బాబీతో చేస్తోన్న మూవీ కంప్లీట్ అయిన తర్వాత అఖండ 2 సెట్స్ పైకి తీసుకురానున్నారు.
అఖండ 2(Akhanda) తర్వాత చేసే సినిమా కూడా ఫైనల్ చేశారట బాలకృష్ణ. డైరెక్టర్ మలినేని గోపీచంద్ తో ఆ సినిమా ఉంటుందని సమాచారం. బాలకృష్ణ, మలినేని గోపీచంద్ కలిసి వీరసింహారెడ్డి అనే సినిమా చేశారు. ఈ మూవీ బాక్సాఫీస్ దగ్గర ఫర్వాలేదనిపించే రిజల్ట్ అందుకుంది. ఇప్పుడు బాలకృష్ణ కోసం మరో కథ రెడీ చేశాడట గోపీచంద్ మలినేని.
స్టోరీ లైన్ కూడా చెబితే బాగుందని.. ఖచ్చితంగా సినిమా చేద్దామన్నారట. ప్రస్తుతం మలినేని గోపీచంద్ సన్ని డియోల్ తో బాలీవుడ్ మూవీ తెరకెక్కిస్తున్నారు. ఈ సినిమాని మైత్రీ మూవీ మేకర్స్ సంస్థ నిర్మిస్తుంది. సన్ని డియోల్ తో మూవీ కంప్లీట్ అయిన తర్వాత బాలకృష్ణతో చేసే మూవీ వర్క్ స్టార్ట్ చేస్తారట. మొత్తానికి ఈ కాంబో ఫిక్స్ అయినట్లే అనే టాక్ వినిపిస్తోంది.
