బిగ్ స్క్రీన్ మీద బాక్సాఫీస్ సెన్సేషన్ క్రియేట్ చేసిన బేబీ సినిమా ఇప్పుడు డిజిటల్ ప్రీమియర్ కు సిద్ధమైంది. ఈ సినిమా ఆహా ఓటీటీలో స్ట్రీమింగ్ కాబోతోంది. ఈ సినిమా స్ట్రీమింగ్ డేట్ అండ్ టైమ్ రేపు వెల్లడిస్తామని ఆహా ఓటీటీ తెలిపింది. ఆటో వెనక..ఆహా అంటే అందరికీ ఇష్టం..రేపు బేబీ మూవీ అప్ డేట్ ఇస్తాం అనే కొటేషన్ రాసిన స్పెషల్ పోస్టర్ తో ఈ అప్ డేట్ ఇచ్చింది ఆహా ఓటీటీ.
ఆనంద్ దేవరకొండ, విరాజ్ అశ్విన్, వైష్ణవి చైతన్య కీ రోల్స్ చేసిన బేబీ మూవీని దర్శకుడు సాయి రాజేశ్ రూపొందించారు. మాస్ మూవీ మేకర్స్ పతాకంపై మారుతి, ఎస్కేఎన్ నిర్మించారు. కల్ట్ క్లాసిక్ లవ్ స్టోరీగాపేరు తెచ్చుకున్న బేబీ బాక్సాఫీస్ వద్ద 91 కోట్ల రూపాయలకు పైగా వసూళ్లు సాధించింది. ఈ మధ్య కాలంలో ఒక చిన్న సినిమా ఇంత ఘన విజయం సాధించడం బేబీతో సాధ్యమైంది. బేబీని థియేటర్ లో చూసిన వారు, చూడని వారు ఓటీటీ ప్రీమియర్ కోసం ఎదురుచూస్తున్నారు.
