“ధూం ధాం”లోని వినోదం ప్రేక్షకులకు చేరువయ్యింది – నిర్మాత రామ్ కుమార్, రైటర్ గోపీ మోహన్

చేతన్ కృష్ణ, హెబ్బా పటేల్ హీరో హీరోయిన్లుగా నటించిన సినిమా “ధూం ధాం”. ఈ చిత్రాన్ని ఎంఎస్ రామ్ కుమార్ నిర్మించారు. దర్శకుడు సాయి కిషోర్ మచ్చా రూపొందించారు. గోపీ మోహన్ స్టోరీ స్క్రీన్ ప్లే అందించారు. ఈ నెల 8వ తేదీన గ్రాండ్ థియేట్రికల్ రిలీజ్ కు వచ్చిన ఈ సినిమా సకుటుంబంగా ప్రేక్షకుల్ని ఎంటర్ టైన్ చేస్తోంది. ఈ నేపథ్యంలో చిత్ర సక్సెస్ గురించి ప్రొడ్యూసర్ రామ్ కుమార్, రైటర్ గోపీ మోహన్ తమ సంతోషాన్ని మీడియాతో షేర్ చేసుకున్నారు.

ప్రొడ్యూసర్ రామ్ కుమార్ మాట్లాడుతూ – – “ధూం ధాం” సినిమాకు ప్రేక్షకుల నుంచి మంచి స్పందన వస్తోంది. థియేటర్స్ లోకి వెళ్లిన వాళ్లంతా ఎంటర్ టైన్ అవుతున్నారు. కలెక్షన్స్ బాగున్నాయి. డిఫరెంట్ ఏజ్ గ్రూప్స్ ఆడియెన్స్ థియేటర్స్ కు వెళ్తున్నారు. “ధూం ధాం” సినిమాతో చేతన్ కుటుంబ ప్రేక్షకులకు దగ్గరయ్యాడు. ఫస్ట్ టైమ్ చేతన్ ఫ్యామిలీ ఎంటర్ టైనర్ సినిమాలో చేశాడు. కమర్షియల్ గా ప్రయత్నించాడు. సక్సెస్ ఫుల్ హీరోలంతా ఫ్యామిలీ ఆడియెన్స్ ను ఇంప్రెస్ చేసిన వాళ్లే. చేతన్ కూడా అలాగే పేరు తెచ్చుకున్నాడు. అన్నారు.

రైటర్ గోపీ మోహన్ మాట్లాడుతూ – “ధూం ధాం” సినిమా సాంగ్స్, కామెడీని ఆడియెన్స్ బాగా ఎంజాయ్ చేస్తున్నారు. ప్రొడ్యూసర్ రామ్ కుమార్ గారు, హీరో చేతన్ ఇద్దరూ కామెడీ మూవీ లవర్స్. వాళ్లు ఇప్పటిదాకా చేసింది హాఫ్ బీట్ సినిమాలే అయినా ఎంటర్ టైనింగ్ మూవీస్ ఇష్టపడతారు. “ధూం ధాం” స్క్రిప్ట్ కోసం చాలా డిస్కషన్స్ చేసి వర్క్ వుట్ చేశాం. నేను స్క్రిప్ట్ చేసిన మూవీస్ లో డ్రింకింగ్ సీన్స్ తో మంచి కామెడీ వచ్చింది. అలా ఈ సినిమాలో వెన్నెల కిషోర్ తో మన లెజెండరీ నటుల డైలాగ్స్ తో ఓ సీన్ చేశాం. ఈ సీన్ కు థియేటర్ లో హిలేరియస్ గా రెస్పాన్స్ వస్తోంది. నా నెక్ట్ మూవీ గల్లా జయదేవ్ గారి రెండో అబ్బాయితో ప్లాన్ చేస్తున్నా. నా డైరెక్షన్ లోనే ఆ సినిమా చేస్తాను. అన్నారు.