పాన్ ఇండియా స్టార్ ప్రభాస్ అప్ కమింగ్ మూవీ సలార్ నుంచి బ్లాస్టింగ్ అప్ డేట్ వచ్చేసింది. సెప్టెంబర్ 28న రిలీజ్ అవుతున్న సలార్ పార్ట్ 1 సీజ్ ఫైర్ సినిమాను ఐమ్యాక్స్ వెర్షన్ లోనూ రిలీజ్ చేయబోతున్నారు. ప్రభాస్ గత సినిమా ఆదిపురుష్ కూడా ఐమ్యాక్స్, త్రీడీ వెర్షన్ లో విడుదలైంది. సలార్ ను ఐమ్యాక్స్ వెర్షన్ లో రిలీజ్ చేయబోతున్నట్లు ఇవాళ డిస్ట్రిబ్యూషన్ కంపెనీస్ ప్రకటించాయి. బుకింగ్స్ త్వరలో ప్రారంభిస్తామని వారు తెలిపారు. సౌండింగ్, విజువల్స్ పరంగా ఐమ్యాక్స్ లో సలార్ యూనివర్స్ ఎక్సీపిరియన్స్ ఇంకా బాగుంటుందని అనుకోవచ్చు.
రెండు పార్టులుగా సలార్ సినిమాను దర్శకుడు ప్రశాంత్ నీల్ తెరకెక్కిస్తున్నారు. ఆయన ఇలాగే రూపొందించిన కేజీఎఫ్ ఎంత భారీ సక్సెస్ అయ్యిందో చూశాం. ప్రభాస్ యష్ కంటే పెద్ద స్టార్ కాబట్టి సలార్ మీద ఇంకా ఎక్కువ క్రేజ్ ఏర్పడుతోంది. ఈ క్రేజ్ వల్లే బుక్ మై షో టికెట్ బుకింగ్స్ లో, ఓవర్సీస్ రిలీజ్ స్క్రీన్స్ లోనూ కొత్త రికార్డులు క్రియేట్ అవుతున్నాయి. హోంబలే ఫిలింస్ నిర్మించిన ఈ సినిమాలో శృతి హాసన్ హీరోయిన్ గా నటించింది. పృథ్వీరాజ్ సుకుమారన్ విలన్ గా కనిపించబోతున్నారు. సలార్ యూనివర్స్ చూసేందుకు సెప్టెంబర్ 28 తేదీ కోసం ఫిల్మ్ లవర్స్, ఫ్యాన్స్ వెయిట్ చేస్తున్నారు.
