పటాస్ సినిమాతో డైరెక్టర్ గా పరిచయమై తొలి సినిమాతోనే బ్లాక్ బస్టర్ సాధించి సెన్సేషన్ క్రియేట్ చేసిన డైరెక్టర్ అనిల్ రావిపూడి. అపజయం అనేది లేకుండా వరుసగా సక్సెస్ సాధిస్తున్నాడు. ప్రస్తుతం బాలయ్యతో భగవంత్ కేసరి అనే సినిమా చేస్తున్నాడు. ఇటీవల టీజర్ రిలీజ్ చేస్తే.. అనూహ్య స్పందన వచ్చింది. దసరాకి భగవంత్ కేసరి చిత్రాన్ని భారీ స్థాయిలో రిలీజ్ చేయడానికి ప్లాన్ చేస్తున్నారు. అయితే.. భగవంత్ కేసరి తర్వాత బాలయ్య బాబీతో సినిమా చేస్తున్నాడు. మరి.. అనిల్ రావిపూడి ఎవరితో సినిమా చేయనున్నాడు..? అనేది ఆసక్తిగా మారింది.
ఈసారి మెగాస్టార్ చిరంజీవితో సినిమా చేసే ఛాన్స్ దక్కించుకున్నాడని సమాచారం. ఈ చిత్రాన్ని శ్రీ వెంకటేశ్వర క్రియేషన్స్ బ్యానర్ పై దిల్ రాజు నిర్మించనున్నారని టాక్ వినిపిస్తోంది. ఇంతకీ ఇది ఏ తరహా చిత్రం అంటే.. చంటబ్బాయి టైపులో మంచి కామెడీ ఎంటర్ టైనర్ గా తీర్చిదిద్దుతారట. కళ్యాణ్ కృష్ణది కూడా ఇదే తరహా అయినప్పటికీ అందులో ఎమోషన్స్ కి సమాన ప్రాధాన్యం ఉంటుంది. కానీ అనిల్ మూవీలో ఫక్తు రౌడీ అల్లుడు రేంజ్ మాస్ ని బయటికి తీస్తారని వినికిడి. ప్రస్తుతం కథా చర్చలు జరుగుతున్నాయి. క్లారిటీ రావాలంటే కొన్ని రోజులు ఆగాల్సిందే.
