కమర్షియల్ ఫార్మేట్ హడావుడి చేయకుండా నేచురల్ మూవీస్ చేస్తూ పక్కింటి కుర్రాడు ఇమేజ్ తెచ్చుకున్నాడు యంగ్ హీరో సుహాస్. కలర్ ఫొటో, రైటర్ పద్మభూషణ్ వంటి సినిమాలు నటుడిగా అతని రేంజ్ మరింత పెంచాయి. ఇక ఇప్పుడు ఇదే దారిలో సుహాస్ చేస్తున్న మరో సినిమా “అంబాజీపేట మ్యారేజ్ బ్యాండ్”. ఈ సినిమాలో సుహాస్ మ్యారేజ్ బ్యాండ్ లీడర్ మల్లి క్యారెక్టర్ లో కనిపించబోతున్నారు.
సుహాస్ బర్త్ డే సందర్భంగా “అంబాజీపేట మ్యారేజ్ బ్యాండ్” సినిమా నుంచి ఆయనకు విశెస్ చెబుతూ కొత్త స్టిల్ రిలీజ్ చేశారు. ఇందులో మనలో ఒకరి లాంటి గెటప్ లో సహజంగా కనిపిస్తున్నాడు సుహాస్. ఈ చిత్రాన్ని జీఏ2 పిక్చర్స్, దర్శకుడు వెంకటేష్ మహా బ్యానర్ మహాయన మోషన్ పిక్చర్స్, ధీరజ్ మొగిలినేని ఎంటర్ టైన్ మెంట్ బ్యానర్స్ సంయుక్తంగా నిర్మిస్తున్నాయి. ఈ సినిమాకు దుశ్యంత్ కటికినేని దర్శకత్వం వహిస్తున్నారు.
కామెడీ డ్రామా కథతో తెరకెక్కుతున్న “అంబాజీపేట మ్యారేజ్ బ్యాండ్” సినిమా ప్రస్తుతం చిత్రీకరణ తుది దశలో ఉంది. ఈ సినిమా టీజర్ ను త్వరలో రిలీజ్ చేస్తామని మేకర్స్ ప్రకటించారు.
Here's team #AmbajipetaMarriageBand wishing their Malligadu aka @ActorSuhas a very very Happy Birthday 🥁🎺🔥#AmbajipetaMarriageBand Teaser Out Very Very Soon… ❤️🔥#BunnyVas @Dushyanth_dk @mahaisnotanoun @DheeMogilineni @GA2Official @Mahayana_MP pic.twitter.com/mo93zuSM3w
— GSK Media (@GskMedia_PR) August 19, 2023
