ప్రతిష్టాత్మక లండన్ మేడమ్ టుస్సాడ్స్ మ్యూజియంలో చోటు దక్కించుకోబోతున్నారు స్టార్ హీరో అల్లు అర్జున్. మేడమ్ టుస్సాడ్స్ లో ఇప్పటికే ప్రభాస్, మహేశ్ బాబు వ్యాక్స్ స్టాచ్యూలు ఏర్పాటుచేశారు. ఇప్పుడు టాలీవుడ్ నుంచి థర్డ్ స్టార్ గా అల్లు అర్జున్ మేడమ్ టుస్సాడ్స్ మ్యూజియంలో మైనపు విగ్రహం గల నటుడిగా క్రెడిట్ దక్కించుకోబోతున్నారు. ఈ న్యూస్ బయటకు వచ్చినప్పటి నుంచి ఫ్యాన్స్ సోషల్ మీడియాలో వైరల్ చేస్తున్నారు.
ప్రస్తుతం పుష్ప 2 షూటింగ్ లో బిజీగా ఉన్న అల్లు అర్జున్ కొన్ని రోజుల్లో లండన్ కు వెళ్లబోతున్నట్లు తెలుస్తోంది. మేడమ్ టుస్సాడ్స్ మ్యూజియంలో మైనపు విగ్రహం కోసం కొలతలు ఇవ్వడం వంటి ప్రొసీడింగ్స్ ను ఆయన పూర్తి చేయబోతున్నారు. ఇటీవలే పుష్ప మూవీకి ఉత్తమ నటుడిగా నేషనల్ అవార్డ్ దక్కించుకున్నారు అల్లు అర్జున్. మేడమ్ టుస్సాడ్స్ నుంచి వచ్చిన లేటెస్ట్ న్యూస్ తో ఆయన ఫ్యాన్స్ మరింత ఖుషి అవుతున్నారు.
