అక్కినేని అఖిల్ యు.వీ క్రియేషన్స్ సంస్థలో సినిమా చేయనున్నాడని వార్తలు వస్తున్నాయి కానీ.. అఫిషియల్ అనౌన్స్ మెంట్ రావడం లేదు. ఈ చిత్రాన్ని సాహో మూవీకి డైరెక్షన్ డిపార్ట్ మెంట్ లో వర్క్ చేసిన అనిల్ తెరకెక్కించనున్నారు. గత కొంతకాలంగా ప్రీ ప్రొడక్షన్ వర్క్ జరుగుతూనే ఉంది. అదిగో అనౌన్స్ మెంట్ వస్తుంది.. ఇదిగో అనౌన్స్ మెంట్ వస్తుందని ప్రచారం అయితే జరుగుతుంది కానీ.. ఎంతకీ అప్ డేట్ రావడం లేదు. ఈ సినిమాకి బడ్జెట్ 100 కోట్లు అవుతాయట. యు.వీ సంస్థ ఆర్థిక ఇబ్బందుల్లో ఉందట. చిరంజీవితో నిర్మిస్తోన్న విశ్వంభర మూవీ పై 150 కోట్లు బడ్జెట్ పెట్టింది. విశ్వంభర మూవీ సంక్రాంతికి రిలీజ్ అయితే.. ఆతర్వాత ఈ మూవీని స్టార్ట్ చేయాలి అనుకున్నారు కానీ.. విశ్వంభర వాయిదాపడడంతో అఖిల్ ప్లాన్ మారింది.
యు.వి క్రియేషన్స్ లో చేయాలి అనుకున్న మూవీ కంటే ముందుగా మరో సినిమా స్టార్ట్ చేయాలని ఫిక్స్ అయ్యాడు అఖిల్. వినరో భాగ్యము విష్ణు కథ సినిమాను తెరకెక్కించిన మురళీ కిషోర్ అబ్బూరు డైరెక్షన్ లో అఖిల్ మూవీ చేయనున్నాడు. గత కొన్ని రోజులుగా ప్రీ ప్రొడక్షన్ వర్క్ జరుగుతుంది. అన్నపూర్ణ స్టూడియోస్ బ్యానర్ లో నాగార్జున ఈ చిత్రాన్ని నిర్మించనున్నారు. లేటెస్ట్ అప్ డేట్ ఏంటంటే.. ఈ క్రేజీ మూవీని ఈ నెలలోనే షూటింగ్ స్టార్ట్ చేయనున్నారు. అనంతపురం బ్యాక్ డ్రాప్ లో ఈ సినిమా ఉంటుందని తెలిసింది. ఈ చిత్రానికి సెన్సేషనల్ మ్యూజిక్ డైరెక్టర్ ఎస్ఎస్ థమన్ సంగీతం అందించనున్నారు. మరి.. ఈ మూవీతో అఖిల్ బ్లాక్ బస్టర్ సక్సెస్ సాధించి ట్రాక్ లో వస్తాడేమో చూడాలి.
