బిగ్ బాస్ ద్వారా ఫేమ్ అయిన సయ్యద్ సోహైల్ రియాన్ తన కొత్త సినిమా ‘మిస్టర్ ప్రెగ్నెంట్’ తో ఈ నెల 18న ప్రేక్షకుల ముందుకొస్తున్నారు. మైక్ మూవీస్ బ్యానర్‌లో అప్పి రెడ్డి, రవీందర్ రెడ్డి సజ్జల, వెంకట్ అన్నపరెడ్డి నిర్మించిన ఈ చిత్రాన్ని నూతన దర్శకుడు శ్రీనివాస్ వింజనంపాటి రూపొందించారు. ‘మిస్టర్ ప్రెగ్నెంట్’ విశేషాలన్నీ ఇవాళ్టి తన ఇంటర్వ్యూలో చెప్పారు సోహైల్.
సోహైల్ మాట్లాడుతూ – నాలాంటి యంగ్ హీరోస్ వెరైటీ మూవీస్, కొత్త ప్రయత్నాలు చేస్తే ప్రేక్షకులు మన సినిమాలకు వస్తారు అని నమ్మాను. అందుకే మిస్టర్ ప్రెగ్నంట్ వంటి న్యూ జానర్ మూవీ చేశాను. మేల్ ప్రెగ్నెంట్ క్యారెక్టర్ లో నటించడం నాకొక డిఫరెంట్ ఎక్సీపిరియన్స్. ఈ సినిమా షో చూసిన తర్వాత చాలా మంది మహిళలు అమ్మ పడే ఇబ్బందులు బాగా చూపించారని ఎమోషనల్ గా కన్నీళ్లు పెట్టుకుని చెప్పారు. ఈ సినిమా అనౌన్స్ చేశాక చాలా ట్రోల్స్ వచ్చాయి. అయితే నన్ను ప్రేమించే వారు ఉన్నట్లే, ఇష్టం లేని వారూ ఉంటారని అనుకున్నా.
ఈ సినిమా రిలీజ్ ఆలస్యమయినప్పుడు డిప్రెషన్ లోకి వెళ్లిపోయా. ఎందుకంటే ఈ సినిమాపై నాకు చాలా హోప్స్ ఉన్నాయి. ఇది నా కెరీర్ లో టర్నింగ్ పాయింట్ అయ్యే సినిమా అని నమ్ముతున్నాను. మిస్టర్ ప్రెగ్నెంట్ సినిమా గ్లింప్స్ చూపించినప్పుడు నాగార్జున గారు అప్రిషియేట్ చేశారు. నువ్వు డిఫరెంట్ మూవీ చేస్తున్నావు. కొత్త వాళ్లు ఇలాగే కొత్త ప్రయత్నాలు చేయాలని అన్నారు. గౌతమ్, మహి మధ్య జరిగే ప్రేమ కథ ఇది. ఫస్ట్ ఫన్, లవ్ స్టోరీతో వెళ్తూ తర్వాత ఎమోషనల్ గా మారుతుంది. ఇండస్ట్రీలో సెటిల్ అవడానికి ప్రయత్నిస్తున్నాను. అని చెప్పారు.
