డేరింగ్ అండ్ డాషింగ్ డైరెక్టర్ పూరి జగన్నాథ్ తెరకెక్కిస్తున్న భారీ చిత్రం డబుల్ ఇస్మార్ట్. ఈ చిత్రంలో హీరోగా రామ్ నటిస్తుంటే.. విలన్ గా బాలీవుడ్ సీనియర్ హీరో సంజయ్ దత్ నటిస్తున్నారు. ఇది ఇస్మార్ట్ శంకర్ మూవీకి సీక్వెల్. లైగర్ తర్వాత దాదాపు సంవత్సరం పాటు కథ పై కసరత్తు చేశారు పూరి. ఈ చిత్రాన్ని పూరి, ఛార్మి కలిసి సంయుక్తంగా నిర్మిస్తున్నారు. ఇటీవల ముంబాయిలో రెగ్యులర్ షూటింగ్ స్టార్ట్ చేసిన పూరి చాలా ఫాస్ట్ గా షూటింగ్ చేస్తున్నారు. థాయ్ లాండ్ లో రామ్, సంజయ్ దత్ పై కీలక సన్నివేశాలు చిత్రీకరిస్తున్నారు.
ఇక అసలు విషయానికి వస్తే.. ఈ సినిమాలో ఓ కీలక పాత్ర ఉందట. ఆ పాత్రను ఆకాష్ పూరితో చేయిస్తున్నారని వార్తలు వస్తున్నాయి. మోహబూబా సినిమాతో హీరోగా ఎంట్రీ ఇచ్చిన ఆకాష్ పూరి.. నటుడుగా మెప్పించాడు కానీ.. కమర్షియల్ సక్సెస్ మాత్రం సాధించలేదు. రొమాంటిక్, చోర్ బజార్ సినిమాలు ఏమాత్రం ఆకట్టుకోలేదు. దీంతో సరైన కథ కోసం ఎదురు చూస్తున్న ఆకాష్ ఇప్పుడు డబుల్ ఇస్మార్ట్ మూవీలో నటిస్తున్నాడనే వార్త ఆసక్తిగా మారింది.
గత కొన్ని రోజులుగా నెక్ట్స్ మూవీ గురించి ఎలాంటి అప్ డేట్ ఇవ్వలేదు. అయితే.. డబుల్ ఇస్మార్ట్ లో ఆకాష్ నటించడం అనేది నిజమా..? కాదా..? అనేది తెలియాల్సివుంది.
