ఎంత పెద్ద సినిమాకైనా స్క్రిప్ట్ పునాది. ఇలాంటి స్క్రిప్ట్ అందించే రైటర్స్ కొరత టాలీవుడ్ లో బాగా ఉంది. ఈ కొరత తీర్చేందుకు ముందుకొచ్చాయి ఆహా ఓటీటీ, అమృత ప్రొడక్షన్స్, మాస్ మూవీ మేకర్స్. ఎస్ కేఎన్ నిర్మాతగా ఉన్న మాస్ మూవీ మేకర్స్, సాయి రాజేశ్ నిర్మాణ సంస్థ అమృత ప్రొడక్షన్స్ కొత్త వాళ్లకు అవకాశాలు ఇస్తూ విజయాలు సాధిస్తున్నాయి. ఈ నేపథ్యంలో ఈ రెండు సంస్థలతో కలిసి ఆహా రైటర్స్ టాలెంట్ హంట్ చేపట్టింది. రైటర్స్ టాలెంట్ హంట్ లో పాల్గొనాలనుకునేవారు కామెడీ, థ్రిల్లర్, డ్రామా, హర్రర్, రొమాన్స్ మరియు యాక్షన్ వంటి వివిధ జానర్స్ లో తమ రచనలను పంపించవచ్చు. ఈ అనౌన్స్ మెంట్ సందర్భంగా
నిర్మాత ఎస్ కేఎన్ మాట్లాడుతూ – మిగతా భాషల్లో వచ్చిన వైవిధ్యమైన కథలు మన తెలుగులో ఎందుకు రావడం లేదనేది మాకు తరుచూ ఎదురయ్యే ప్రశ్న. తమకు తగినంత గుర్తింపు, కష్టానికి తగిన ఫలితం దక్కడం లేదని చెప్పే రచయితలు కొందరితో నేను మాట్లాడాను. అందుకే ఎగ్జైట్ చేసే స్క్రిప్టులతో వచ్చే టాలెంటెడ్ రైటర్స్ కోసం ఒక వేదికగా ఈ టాలెంట్ హంట్ ను ఏర్పాటు చేస్తున్నాం. ఆహా, అమృత ప్రొడక్షన్స్ సహకారంతో టాలెంటెడ్ రైటర్స్ కు మంచి అవకాశాలు కల్పించాలని ప్రయత్నం చేస్తున్నాం. ప్రతిభావంతులైన రచయితలను ఈ టాలెంట్ హంట్ కు ఆహ్వానిస్తున్నాం. అన్నారు.
