రామ్ చరణ్ హీరోగా నటిస్తున్న పాన్ ఇండియా మూవీ గేమ్ ఛేంజర్ రిలీజ్ విషయంలో సస్పెన్స్ కంటిన్యూ అవుతోంది. ఇంకా సినిమా షూటింగ్ మిగిలే ఉండటంతో వచ్చే సంక్రాంతికి రిలీజయ్యే అవకాశాలు కనిపించడం లేదు. సాధారణంగా డైరెక్టర్ శంకర్ తన సినిమాల మేకింగ్ తో పాటు పోస్ట్ ప్రొడక్షన్ కు ఎక్కువ టైమ్ తీసుకుంటాడు. దీంతో సినిమా పూర్తయ్యేందుకు చాలా టైమ్ పడుతుంటుంది.
గేమ్ ఛేంజర్ పాన్ ఇండియా మూవీ కాబట్టి పలు భాషల్లో డబ్బింగ్ సహా అన్ని కార్యక్రమాలకు రెట్టింపు సమయం అవసరం అవుతోంది. ఈ నేపథ్యంలో గేమ్ ఛేంజర్ రిలీజ్ డేట్ పై కొత్త టాక్ వినిపిస్తోంది. ఈ సినిమా వచ్చే ఏడాది ఆగస్టులో రిలీజ్ కానుందని సమాచారం. అంటే ఇప్పటి నుంచి చూసుకున్నా..కనీసం ఏడాది సమయం పట్టేలా ఉంది.
ఓ పర్పెక్ట్ పాన్ ఇండియా మూవీ చేయాలంటే కాస్త లేటయినా ఫర్వాలేదని టీమ్ భావిస్తున్నట్లు ఉన్నారు.
ఈ చిత్రాన్ని దిల్ రాజు నిర్మాణంలో దర్శకుడు శంకర్ రూపొందిస్తున్నారు కియారా అద్వానీ హీరోయిన్ గా నటిస్తోంది. శ్రీకాంత్, అంజలి, ఎస్ జే సూర్య, నవీన్ చంద్ర తదితరులు కీలక పాత్రల్లో కనిపించనున్నారు.
