పెట్టిన పెట్టుబడికి ఎవరూ ఊహించనన్ని రెట్ల లాభాలు తెచ్చిపెట్టిన సినిమా బిచ్చగాడు. మదర్ సెంటిమెంట్ తో వచ్చిన ఈ సినిమా కోలీవుడ్ హీరో విజయ్ ఆంటోనీకి కావాల్సినంత పేరు తెచ్చింది. ఇటీవలి ఆయన సినిమా బిచ్చగాడు 2 కూడా మంచి హిట్ అయ్యింది. ప్రతిసారీ కొత్త సబ్జెక్ట్స్ ఎంచుకునే ఈ టాలెంటెడ్ హీరో…ఈసారి రోమియో అవతారం ఎత్తాడు. లవ్ గురుగా ప్రేక్షకుల ముందుకు రాబోతున్నాయి.
ఆయన హీరోగా నటిస్తున్న తమిళ చిత్రం రోమియో తెలుగులో లవ్ గురు పేరుతో రాబోతోంది. ఈ సినిమాను సొంత బ్యానర్ గుడ్ డెవిల్ పై నిర్మిస్తున్నారు విజయ్ ఆంటోనీ. మృణాళినీ రవి హీరోయిన్ గా నటిస్తున్న ఈ సినిమాను వినాయక్ వైద్యనాథన్ రూపొందిస్తున్నారు. ఇవాళ లవ్ గురు సినిమా ఫస్ట్ లుక్ పోస్టర్ రిలీజైంది.
విజయ్ ఆంటోనీని ఇంతకుముందెప్పుడూ చూడని రొమాంటిక్ ఎంటర్ టైనర్ క్యారెక్టర్ లో ఈ సినిమా చూపించబోతోంది. ఈ సినిమాకు ఎడిటింగ్ బాధ్యతలూ విజయ్ ఆంటోనీనే వహిస్తున్నాడు. ఈ మూవీ వచ్చే ఏడాది వేసవి విడుదలకు ప్లాన్ చేసుకుంటోంది.
నా తదుపరి చిత్రం #LOVEGURU ని ఎనౌన్స్ చేస్తునందుకు నాకు చాలా సంతోషంగా ఉంది🙏😊
Summer 2024#Blockbuster @GoodDevilOffl @mirnaliniravi pic.twitter.com/uNgRh9lvZs— vijayantony (@vijayantony) August 16, 2023
