కేజీఎఫ్ ఎన్ని రికార్డులు సృష్టించిందో మనకు తెలుసు. ఆ కేజీఎఫ్ ప్రపంచంలోకి ప్రభాస్ అడుగుపెడితే ఎలా ఉంటుందనే ఊహే సర్ ప్రైజింగ్ గా ఉంటుంది. అలాంటి బ్యాక్ గ్రౌండ్ లోనే అదే రేంజ్ లో సలార్ సినిమాను రూపొందించారు దర్శకుడు ప్రశాంత్ నీల్. ఈ సినిమా అనౌన్స్ మెంట్ జరిగినప్పటినుంచీ సినీ ప్రపంచంలో ఎంతో ఆసక్తిని రేపింది. ఇక తాజాగా ఫిల్మ్ లవర్స్ ఎప్పటినుంచో ఎదురుచూస్తున్న ఈ సినిమా టీజర్ వచ్చేసింది.
టీజర్ ఎలా ఉందో చూస్తే..తనను చుట్టుముట్టిన గ్యాంగ్ స్టర్స్ తో సలార్ గురించి, అతని ప్రపంచం గురించి చెబుతాడో వృద్ధుడు (టీనూ ఆనంద్). చిరుత, ఏనుగు, పులి, సింహం చాలా ప్రమాదకరమైనవి. అయితే జురాసిక్ పార్కులో కాదు..ఎందుకంటే అక్కడ ఉండేది…అంటూ ఆపేస్తాడు. (ప్రభాస్ క్యారెక్టర్ ను డైనోసార్ తో పోల్చారు) అక్కడ ప్రభాస్ ఇంట్రో చూపిస్తారు. పవర్ ఫుల్ మాస్ ఎలివేషన్స్, యాక్షన్ తో కేజీఎఫ్ పార్ట్ 3 టీజర్ చూసిన ఫీల్ కలిగించింది సలార్. రెండు భాగాలుగా సలార్ ఉంటుందని కన్ఫర్మ్ చేశారు మేకర్స్. తొలిభాగం సీజ్ ఫైర్ సెప్టెంబర్ 28న విడుదల కానుంది.
