కల్యాణ్ రామ్ నటిస్తున్న కొత్త సినిమా డెవిల్ గ్లింప్స్ వచ్చేసింది. కల్యాణ్ రామ్ పుట్టినరోజు సందర్భంగా ఈ గ్లింప్స్ రిలీజ్ చేశారు. అభిషేక్ పిక్చర్స్ ఈ సినిమాను నిర్మిస్తోంది. నవీన్ మేడారం దర్శకుడు. పీరియాడిక్ యాక్షన్ డ్రామాగా ఈ సినిమా రూపొందుతోంది. ఈ గ్లింప్స్ ఎలా ఉందో చూస్తే..
భారత స్వాతంత్రానికి పూర్వం జరిగే కథతో ఈ సినిమాను రూపొందించారు. ఈ చిత్రంలో కల్యాణ్ రామ్ బ్రిటీష్ సీక్రెట్ ఏజెంట్ పాత్రలో కనిపించారు. అతని పేరు డెవిల్. మనసులో ఉన్నది మొహంలో తెలియకూడదు, మెదడులో ఉన్నది మాటల్లో బయటకు రాకూడదు అదే సీక్రెట్ ఏజెంట్ కు ఉండాల్సిన లక్షణం అంటూ కల్యాణ్ రామ్ చెప్పిన డైలాగ్స్ ఆకట్టుకున్నాయి. ప్రీ ఇండిపెండెన్స్ ఎరాలో చేసిన పిక్చరైజేషన్ అప్పటి కాలాన్ని గుర్తు చేసింది. యాక్షన్ సీక్వెన్సులు ఈ గ్లింప్స్ లో ప్రత్యేక ఆకర్షణ అయ్యాయి. త్వరలో ఈ సినిమా విడుదలకు సిద్ధమవుతోంది.
