ఇవాళ రశ్మిక బర్త్ డే. ఈ టాలెంటెడ్ లక్కీ హీరోయిన్ జర్నీ సర్ ప్రైజ్ చేస్తుంటుంది. కిరిక్ పార్టీ చిత్రంతో కన్నడ ఇండస్ట్రీలో అడుగు పెట్టిన రశ్మిక ఛలో సినిమాతో టాలీవుడ్ కు వచ్చింది. ఆమె రావడమే ఒక లక్కీ ఛార్మ్ తో ఎంటరయ్యింది. ఛలో సూపర్ హిట్ కాగా..నెక్ట్ రెండు సినిమాలు దేవదాస్, గీత గోవిందం ఘన విజయాలు అందుకున్నాయి. హ్యాట్రిక్ హిట్స్ తో టాలీవుడ్ లోకి దూసుకొచ్చిన రశ్మికకు టాప్ స్టార్ సరసన అవకాశాలు దక్కేందుకు పెద్దగా టైమ్ పట్టలేదు. మహేశ్ తో సరిలేరు నీకెవ్వరులో నటించిన రశ్మిక..ఆ తర్వాత పుష్పతో నేషనల్ క్రష్ అయ్యింది. అటు బాలీవుడ్ లోనూ సినిమాలు చేస్తూ పేరు తెచ్చుకుంటోంది.
రణ్ బీర్ తో ఆమె కలిసి నటించిన యానిమల్ టాక్ ఆఫ్ ది ఇండస్ట్రీ అయ్యింది. ఈ సినిమాలో రశ్మిక గీతాంజలి క్యారెక్టర్ కు మంచి గుర్తింపు దక్కింది. ఇప్పుడు పుష్ప 2తో పాటు పలు క్రేజీ ప్రాజెక్ట్స్ చేస్తోంది రశ్మిక. అందులో “ది గర్ల్ ఫ్రెండ్” సినిమా ఒకటి. దీక్షిత్ శెట్టి హీరోగా నటిస్తున్న ఈ సినిమాను ప్రముఖ నిర్మాత అల్లు అరవింద్ సమర్పణలో గీతా ఆర్ట్స్, మాస్ మూవీ మేకర్స్, ధీరజ్ మొగిలినేని ఎంటర్ టైన్ మెంట్ బ్యానర్స్ సంయుక్తంగా నిర్మిస్తున్నాయి. దర్శకుడు రాహుల్ రవీంద్రన్ రూపొందిస్తున్నారు. విద్య కొప్పినేని, ధీరజ్ మొగిలినేని నిర్మాతలుగా వ్యవహిస్తున్నారు. ప్రస్తుతం రెగ్యులర్ షూటింగ్ లో ఉందీ సినిమా. ఇవాళ రశ్మిక మందన్న బర్త్ డే సందర్భంగా “ది గర్ల్ ఫ్రెండ్” సినిమా నుంచి విశెస్ చెబుతూ స్పెషల్ పోస్టర్ రిలీజ్ చేశారు. ఈ పోస్టర్ లో రశ్మిక సింపుల్ మేకోవర్ లో బ్యూటిఫుల్ గా కనిపిస్తోంది.
