వివాదస్పద దర్శకుడు రామ్ గోపాల్ వర్మ తెరకెక్కించిన తాజా చిత్రం వ్యూహం. గత ఎన్నికల టైమ్ లో వర్మ లక్ష్మీస్ ఎన్టీఆర్, అమ్మ రాజ్యంలో కడప బిడ్డలు అనే సినిమాలు తెరకెక్కించడం వివాదస్పదం అవ్వడం జరిగింది. ఇప్పుడు మళ్లీ ఎన్నికల టైమ్ లో రిలీజ్ చేసేలా వ్యూహం చిత్రాన్ని వర్మ తెరకెక్కిస్తున్నాడు. ఆంధ్రప్రదేశ్ ముఖ్యమంత్రి వై.ఎస్. జగన్మోహన్ రెడ్డి జీవితం ఆధారంగా వ్యూహం చిత్రాన్ని రూపొందిస్తున్నారు. ఈ మూవీ టీజర్ ను వర్మ రిలీజ్ చేశారు. ఈ టీజర్ లో రాజశేఖర్ రెడ్డి చనిపోయాక జరిగిన పరిణామాలను, వైఎస్సార్ ఫ్యామిలీ ఎదుర్కొన్న సంఘర్షణను చాలా బాగా ఎస్టాబ్లిష్ చేశారు.
ఈ టీజర్ జగన్ జీవితంలో 2009 నుంచి 2014 వరకు ఏం జరిగింది, ఆ సమయంలో ఏపీ రాజకీయాల్లో ఎలాంటి పరిణామాలు చోటు చేసుకున్నాయి వంటి అంశాలను ప్రస్తావిస్తూ సాగింది. టీజర్ లో నేపథ్య సంగీతం ప్రధాన హైలైట్ గా నిలిచింది. అలాగే జగన్ పాత్రధారి చివర్లో చెప్పిన డైలాగ్ కూడా చాలా బాగుంది. అలా ఆలోచించడానికి నేను చంద్రబాబుని కాదు అంటూ ఆయన ఈ టీజర్ లో పలికిన డైలాగ్ సినిమా పై అంచనాలను పెంచేసింది. ఈ టీజర్ అటు రాజకీయ వర్గాల్లోనూ, ఇటు సినీ వర్గాల్లోనూ హాట్ టాపిక్ అయ్యింది.
