కొడుకు రోషన్ ను హీరోగా పరిచయం చేయాలనే ప్రయత్నంలో యాంకర్ సుమ తీవ్రంగానే ఆర్థికంగా నష్టపోయినట్లు తెలుస్తోంది. రోషన్ హీరోగా రవికాంత్ పేరేపు దర్శకత్వంలో సుమ ప్రొడ్యూస్ చేసిన బబుల్ గమ్ సినిమా బాక్సాఫీస్ దగ్గర డిజాస్టర్ రిజల్ట్ తెచ్చుకుంటోంది. ఈ సినిమాకు పేరుకు పీపుల్ మీడియా బ్యానర్ వేసినా…మొత్తం ఖర్చంతా సుమనే పెట్టుకుంది. బబుల్ గమ్ సినిమాకు దాదాపు 8 కోట్ల రూపాయల బడ్జెట్ అయ్యింది.
రీసెంట్ గా థియేటర్స్ లోకి వచ్చిన బబుల్ గమ్ సినిమాకు నెగిటివ్ టాక్ వచ్చింది. థియేటర్స్ దగ్గర పెద్దగా రెస్పాన్స్ లేదు. దీంతో డే 1 నుంచి ఈ సినిమాకు 50 లక్షల రూపాయలకు మించిన వసూళ్లు రాలేదు. ఇలా నాలుగు రోజుల పాటు దాదాపు 2 కోట్ల రూపాయల గ్రాస్, దాదాపు కోటి రూపాయల షేర్ వచ్చాయి. హాలీడేస్ పూర్తయ్యాయి కాబట్టి ఇక కలెక్షన్స్ పెరిగే అవకాశం లేదు. ఓటీటీ, ఇతర రైట్స్ నుంచి ఇంకొంత దక్కినా..మిగిలినదంతా ఆర్థికంగా నష్టపోయే పరిస్థితి ఏర్పడింది. ఈ నష్టం కోట్ల రూపాయల్లో ఉంటుందని అనుకోవచ్చు.
