కార్తికేయ 2 సినిమా బ్లాక్ బస్టర్ సాధించడం.. ఇది పాన్ ఇండియా మూవీ కావడంతో డైరెక్టర్ చందు మొండేటికి క్రేజ్ బాగా పెరిగింది. ఈ సినిమా తర్వాత చందు మొండేటితో సినిమా చేసేందుకు చాలా మంది ట్రై చేశారు. భారీగా ఆఫర్స్ ఇచ్చారు కానీ… చందు మాత్రం గీతా ఆర్ట్స్ లో సినిమా చేయాలి… ఈ బ్యానర్ లో సినిమా చేసిన తర్వాతే మిగిలిన సినిమాల గురించి ఆలోచిస్తాను అంటూ ఎంత పెద్ద ఆఫర్ ఇచ్చినా సున్నితంగా తిరస్కరించారు. ఇదే విషయాన్ని ఇటీవల అల్లు అరవింద్ కూడా మీడియా ముందు చెప్పడం జరిగింది.
అయితే.. అల్లు అరవింద్ చందు మొండేటితో ఒకటి కాదు రెండు కాదు.. ఏకంగా మూడు సినిమాలకు అగ్రిమెంట్ చేయించుకున్నారట. ఈ మూడు సినిమాలకు 30 కోట్లు రెమ్యూనరేషన్ ఇచ్చారని టాక్ వినిపిస్తుంది. ఇంతకీ.. ఈ మూడు సినిమాలు ఎవరితో చేయనున్నారంటే.. బాలీవుడ్ స్టార్ హృతిక్ రోషన్ తో మూవీ ప్లాన్ చేస్తున్నారు. చందు కథ రెడీ చేశాడు. అయితే.. హృతిక్ ప్రస్తుతం బిజీగా ఉండడంతో ఈ సినిమా సెట్స్ పైకి రావడానికి టైమ్ పడుతుంది. ఇక రెండో సినిమా తమిళ స్టార్ సూర్యతో ప్లాన్ చేస్తున్నారు. సూర్య కూడా బిజీగా ఉండడం వలన ఆలస్యం అవుతుంది. ఇక మూడవ సినిమా నాగచైతన్యతో ప్లాన్ చేస్తున్నారు. ప్రస్తుతం ఈ సినిమాకి సంబంధించిన ప్రీ ప్రొడక్షన్ వర్క్ జరుగుతుంది. జులై నుంచి ఈ మూవీని సెట్స్ పైకి తీసుకురానున్నారని సమాచారం.
