సక్సెస్ ఫుల్ డైరెక్టర్ అనిల్ రావిపూడి పటాస్ మూవీతో డైరెక్టర్ గా ఎంట్రీ ఇచ్చి తొలి ప్రయత్నంలోనే విజయం సాధించాడు. ఇక అక్కడ నుంచి కెరీర్ లో వెనక్కి తిరిగి చూసుకోవాల్సిన పరిస్థితి ఏర్పడలేదు. సుప్రీమ్, రాజా ది గ్రేట్, ఎఫ్ 2, సరిలేరు నీకెవ్వరు, ఎఫ్ 3.. ఇలా వరుసగా విజయాలు సాధిస్తున్నాడు. ఇప్పుడు నందమూరి నట సింహం బాలకృష్ణతో భగవంత్ కేసరి అనే భారీ చిత్రం చేస్తున్నాడు. ఈ చిత్రంలో బాలయ్యకు జంటగా కాజల్ అగర్వాల్, కూతురుగా శ్రీలీల నటిస్తుంది. బాలయ్య మార్క్ యాక్షన్, అనిల్ రావిపూడి మార్క్ ఎంటర్ టైన్మెంట్ కలయికలో వస్తున్న ఈ మూవీ పై భారీ అంచనాలు ఉన్నాయి.
ఇదిలా ఉంటే.. ఎఫ్ 2 సక్సెస్ తర్వాత ఎఫ్ 3 ఉంటుందని అనౌన్స్ చేశారు. అనౌన్స్ చేసినట్టుగానే ఎఫ్ 3 సినిమా చేశారు.. సక్సెస్ సాధించారు. అయితే.. ఎఫ్ 3 సినిమా
బాక్సాఫీస్ దగ్గర అనుకున్నంతగా పెద్ద విజయం సాధించలేదు. దీంతో ఎఫ్ 4 ఉంటుందని అన్నారు కానీ.. ఉండదేమో అని వార్తలు వచ్చాయి. లేటెస్ట్ న్యూస్ ఏంటంటే… ఎఫ్ 4 ప్లానింగ్ లో ఉందట. ప్రస్తుతం బాలయ్యతో చేస్తున్న భగవంత్ కేసరి తర్వాత అనిల్ రావిపూడి చేసే సినిమా ఎఫ్ 4 అని టాక్ వినిపిస్తుంది. మరి.. ప్రచారంలో ఉన్నట్టుగా ఎఫ్ 4 త్వరలో సెట్స్ పైకి వస్తుందేమో చూడాలి.
