అర్జున్ రెడ్డి సినిమాతో సెన్సేషన్ క్రియేట్ చేసిన డైరెక్టర్ సందీప్ రెడ్డి వంగ. ఇదే చిత్రాన్ని బాలీవుడ్ లో రీమేక్ చేస్తే.. అక్కడ కూడా సంచలన విజయం సాధించింది. ఇప్పుడు బాలీవుడ్ స్టార్ రణ్ బీర్ తో యానిమల్ అనే సినిమా చేస్తున్నాడు. ఈ సినిమాని ప్రకటించినప్పటి నుంచి భారీ అంచనాలు ఏర్పడ్డాయి. ఈ మూవీ స్టార్ట్ అయినప్పటి నుంచి ఎలాంటి అప్ డేట్ ఇవ్వకుండా సైలెంట్ గా షూటింగ్ చేశారు. ఇప్పుడు ఈ మూవీ నుంచి ప్రీ టీజర్ రిలీజ్ చేశారు.
ఇక ప్రీ టీజర్ ఎలా ఉందంటే… ఊహించని సీన్ తో స్టార్ట్ అయ్యింది. గొడ్డలితో విలన్స్ ను నరుకుతూ రణ్ బీర్ విధ్వంసం చూపించాడు. ఈ ప్రీ టీజర్ నెక్ట్స్ లెవల్ లో ఉందని చెప్పచ్చు. త్వరలోనే టీజర్ రిలీజ్ చేయనున్నారు. ఓ వైపు షూటింగ్ జరుపకుంటూ మరో వైపు పోస్ట్ ప్రొడక్షన్ వర్క్ స్పీడుగా చేస్తున్నారు. ఈ చిత్రాన్ని ఆగష్టు 11న విడుదల చేయనున్నారు. అంటే.. కరెక్ట్ గా రిలీజ్ కి రెండు నెలలు టైమ్ ఉంది. మరో విషయం ఏంటంటే.. ఈ మూవీకి రైటర్, డైరెక్టర్ మాత్రమే కాదు.. ఎడిటింగ్ కూడా సందీప్ రెడ్డి వంగ కావడం విశేషం. మరి.. అర్జున్ రెడ్డి, కబీర్ సింగ్ చిత్రాలతో సంచలనం సృష్టించిన సందీప్ రెడ్డి వంగ యానిమల్ మూవీతో కూడా సెన్సేషన్ క్రియేట్ చేస్తాడేమో అనేది ఆసక్తిగా మారింది.
