సాయి ధరమ్ తేజ్ నటిస్తున్న కొత్త సినిమా అప్ డేట్ రేపు అనౌన్స్ కానుంది. ఇది సాయి ధరమ్ తేజ్ నటిస్తున్న 17వ సినిమా. సితార ఎంటర్ టైన్ మెంట్స్ సంస్థలో దర్శకుడు సంపత్ నంది రూపొందిస్తున్నారు. ఈ సినిమా నుంచి ఫస్ట్ హై ని రేపు ఉదయం 8.55 రిలీజ్ చేస్తామని నిర్మాణ సంస్థ సితార ఎంటర్ టైన్ మెంట్స్ తెలిపింది.
ఈ సినిమాకు గంజాయి శంకర్ అనే టైటిల్ ప్రచారంలో ఉంది. మాస్ యాక్షన్ ఎంటర్ టైనర్ గా ఈ సినిమాను రూపొందిస్తున్నారు సంపత్ నంది. ఇప్పటికే మ్యూజిక్ సిట్టింగ్స్, ప్రీ ప్రొడక్షన్ వర్క్స్ కంప్లీట్ చేయడంతో పాటు కొంత పార్ట్ షూటింగ్ కూడా చేశారు. సాయి ధరమ్ తేజ్ త్వరలోనే ఈ సినిమా సెట్ లో అడుగుపెట్టనున్నట్లు తెలుస్తోంది.
ఈ ఏడాది విరూపాక్ష హిట్ తో ఫామ్ లోకి వచ్చిన సాయి ధరమ్ తేజ్ కు ఈ సినిమా మరో మంచి ప్రాజెక్ట్ కానుంది. మెగా ఫ్యామిలీలో రామ్ చరణ్ తో రచ్చ హిట్ ఇచ్చిన డైరెక్టర్ సంపత్ నంది…ఈ సినిమానూ సక్సెస్ చేయాలనే పట్టుదలతో ఉన్నారు.
