అల్లు అర్జున్ కెరీర్ బిగినింగ్ లో క్రిష్ దర్శకత్వంలో వేదం అనే సినిమా చేశాడు. ఈ సినిమలో కేబుల్ రాజుగా అల్లు అర్జున్ నటనకు మంచి పేరొచ్చింది. అప్పటి నుంచి క్రిష్ తో అల్లు అర్జున్ కు మంచి రిలేషన్ కొనసాగుతోంది. వేదం తర్వాత మళ్లీ ఈ కాంబో కలిసి పనిచేయలేదు. ఇప్పటికి ఆ టైమ్ వచ్చినట్లు తెలుస్తోంది. క్రిష్ తో అల్లు అర్జున్ రెడ్ బస్ యాడ్ చేస్తున్నారు. ఈ యాడ్ కు కభీ అప్నే కభీ సప్నే అనే టైటిల్ పెట్టారు.
ఈ యాడ్ కు సంబంధించిన ప్రోమో ప్రస్తుతం సోషల్ మీడియాలో చక్కర్లు కొడుతోంది. ఈ అనౌన్స్ మెంట్ వచ్చినప్పటి నుంచి అల్లు అర్జున్, క్రిష్ కాంబోలో మూవీ అనుకున్నారు. అయితే ఇది రెడ్ బస్ కోసం చేసిన యాడ్ ఫిల్మ్ గా తెలుస్తోంది. ఈ న్యూస్ పై అల్లు అర్జున్ స్పందిస్తూ తన ఇన్ స్టా అక్కౌంట్ ద్వారా పోస్టర్ షేర్ చేశారు. ఈ విషయం ఎవరికీ చెప్పకండి సీక్రెట్ అనే ఎమోజీ క్యాప్షన్ గా పెట్టారు.
అల్లు అర్జున్ తన పుష్ప 2 సినిమా షూటింగ్ తో బిజీగా ఉన్నారు. ఈ సినిమాను వచ్చే ఏడాది ఆగస్టు 15న రిలీజ్ చేసేందుకు రెడీ అవుతున్నారు. క్రిష్ కు పవన్ తో రూపొందిస్తున్న హరి హర వీరమల్లు పెద్ద గుదిబండగా మారింది. ఆయన ఈ సినిమా కంప్లీట్ చేయలేక, చేసి బయటకొచ్చి మరో సినిమా మొదలుపెట్టుకోలేక ఇబ్బంది పడుతున్నారు.
