ఎన్టీఆర్ హీరోగా నటిస్తున్న కొత్త సినిమా దేవర ఓటీటీ రైట్స్ అప్పుడే సోల్డ్ అయినట్లు తెలుస్తోంది. ఈ సినిమా మీద ఉన్న క్రేజ్ మేకింగ్ లో జరిగే బిజినెస్ తోనే తెలుస్తోంది. ఎన్టీఆర్ ఆర్ట్స్, యువసుధ ఆర్ట్స్ నిర్మాణంలో దర్శకుడు కొరటాల శివ ఈ సినిమాను రూపొందిస్తున్నారు. దేవరలో జాన్వీ కపూర్ హీరోయిన్ గా నటిస్తోంది.
సైఫ్ అలీఖాన్ విలన్ గా కనిపించనున్నారు. దేవర ప్రస్తుతం రెగ్యులర్ షూటింగ్ లో ఉంది. దేవర సినిమా సెట్స్ మీద ఉండగానే…ఒక్కో బిజినెస్ డీల్ క్లోజ్ అవుతోంది. తాజాగా ఈ సినిమాకు సంబంధించిన ఓటీటీ హక్కులను నెట్ ఫ్లిక్స్ సంస్థ రికార్డ్ ధరకు సొంతం చేసుకుందని టాక్ వినిపిస్తోంది. ఆ నెంబర్ మాత్రం ఇంకా రివీల్ కాలేదు.
ఇక దేవర సినిమాను వచ్చే ఏడాది ఏప్రిల్ 5న రిలీజ్ చేయబోతున్నారు. ఈ సినిమాలో తండ్రీ కొడుకులుగా ఎన్టీఆర్ ద్విపాత్రాభినయం చేస్తున్నారు. పోర్ట్ ఏరియా నేపథ్యంతో దేవర యాక్షన్ డ్రామాగా స్క్రీన్ మీదకు రాబోతోంది.
