బాలకృష్ణ హీరోగా నటిస్తున్న భగవంత్ కేసరి సినిమా రిలీజ్ పై ఇటీవల రూమర్స్ వచ్చాయి. దసరా పండుగకు ఈ సినిమా రిలీజ్ కావడం లేదంటూ వార్తలొచ్చాయి. బాలకృష్ణ చంద్రబాబు ఇష్యూలో ఏపీలో తిరుగుతుండటంతో ఇక్కడ ఆయన షూటింగ్ మిగిలి ఉందని టాక్ వినిపించింది. ఇప్పుడా సందేహాలకు పుల్ స్టాప్ పెట్టేందుకు ది జర్నీ ఆఫ్ భగవంత్ కేసరిని రిలీజ్ చేశారు మేకర్స్. ఇందులో షూటింగ్ కంప్లీట్ అయినట్లు అక్టోబర్ 19న సినిమాను విడుదల చేస్తున్నట్లు మరోసారి స్పష్టం చేశారు.
ది జర్నీ ఆఫ్ భగవంత్ కేసరి వీడియోలో సినిమా ముహూర్తపు సన్నివేశం నుంచి జరిగిందని గ్లింప్స్ లా చూపించారు. ఈ సినిమా కోసం 8 నెలలు ఇంటెన్స్ షూటింగ్ చేసినట్లు చెప్పారు. ఈ సినిమా కోసం 12 భారీ సెట్స్ వేశామని, ప్యాషనేట్ క్రూ పనిచేశారని తెలిపారు. షూటింగ్ ప్రస్తుతం పూర్తయ్యిందని, అక్టోబర్ 19న మూవీ రిలీజ్ అవుతుందని వెల్లడించారు. ఈ వీడియోతో దసరాకు భగవంత్ కేసరి రిలీజ్ కన్ఫర్మ్ అని మరోసారి చెప్పినట్లయింది.
