సోషల్ మీడియాలో యాక్టివ్ గా ఉండే స్టార్ హీరోయిన్ సమంత తాజాగా ఇన్ స్టా గ్రామ్ లో 3 కోట్ల మంది ఫాలోవర్స్ మార్క్ కు చేరుకుంది. ప్రస్తుతం విదేశాల్లో తన మయోసైటిస్ వ్యాధికి చికిత్సతో పాటు విశ్రాంతి తీసుకుంటున్న సమంత లేటెస్ట్ గా ఇన్ స్టాలో పోస్ట్ చేశారు. లవ్ 30 మిలియన్ అంటూ ఆమె పోస్ట్ చేశారు. సమంత ఇటీవల ఖుషి సినిమా ప్రమోషన్ తర్వాత రిలీజ్ టైమ్ లో యూఎస్ వెళ్లారు.
సమంత తన ఆరోగ్య పరిస్థితి దృష్ట్యా కొంతకాలం సినిమాల దూరంగా ఉండాలని నిర్ణయించుకున్నారు. దీంతో..ఆమె గతంలో ఒప్పుకున్న కొన్ని ప్రాజెక్ట్స్ కూడా వదులుకుంటున్నట్లు తెలుస్తోంది. ఇందులో దర్శకురాలు నందినీ రెడ్డితో సమంత చేయాల్సిన సినిమా కూడా ఉంది. రీసెంట్ గా సమంత ప్లేస్ లో మరో హీరోయిన్ ను తీసుకోవాలని నందినీ అనుకుంటోందట. ఈ సినిమాలో హీరోగా సిద్ధు జొన్నలగడ్డ నటించనున్నారు.
