ఇటీవల రోడ్డు ప్రమాదంలో మృతి చెందిన అరవింద్ అనే అభిమాని కుటుంబాన్ని పరామర్శించారు తమిళ స్టార్ హీరో సూర్య. ఇవాళ ఎన్నూర్ లోని అరవింద్ ఇంటికి వెళ్లిన సూర్య అతని కుటుంబ సభ్యులను ఓదార్చి, ధైర్యం చెప్పారు. అరవింద్ సూర్య ఫాన్య్స్ క్లబ్ లో చాలా కాలంగా మెంబర్ గా ఉన్నారు.
అరవింద్ సూర్యను ఫ్యాన్స్ మీట్ లో తరుచూ కలిసేవాడు. సూర్య రాకతో ఎన్నూర్ లో కోలాహలంగా మారింది. సూర్యను చూసేందుకు స్థానికులు పెద్ద ఎత్తున అక్కడికి వచ్చారు. అభిమానులకు ఇబ్బందులు ఎదురైతే పరామర్శించడం, వారికి అండగా నిలబడటం సూర్యకు అలవాటు. కరోనా టైమ్ లో అభిమానులకు ఆర్థిక సహాయం అందించాడు సూర్య.
ప్రస్తుతం సూర్య పలు భారీ ప్రాజెక్టులతో బిజీగా ఉన్నారు. అందులో కంగువ మూవీ త్వరలో పది భాషల్లో రిలీజ్ కు రెడీ అవుతోంది. పీరియాడిక్ యాక్షన్ డ్రామాగా దర్శకుడు శివ రూపొందిస్తున్నారు. వచ్చే ఏడాది ప్రథమార్థంలో కంగువ విడుదల కాబోతోంది.
