షారుఖ్ ఖాన్ లేటెస్ట్ సెన్సేషనల్ మూవీ జవాన్. వెయ్యి కోట్ల రూపాయల వసూళ్లు దాటేసిన ఈ సినిమా నేషనల్ వైడ్ ఇంకా స్ట్రాంగ్ హోల్డ్ తోనే థియేటర్స్ లో రన్ అవుతోంది. లేటెస్ట్ గా ఈ సినిమాకు ప్రేక్షకుల్ని మరింతగా ఆకర్షించేందుకు వన్ ప్లస్ వన్ టికెట్ ఆఫర్ ప్రకటించారు. ఈ వీకెండ్ దాకా ఈ వన్ ఫ్లస్ వన్ టికెట్ ఆఫర్ అందుబాటులో ఉండనుంది. ఈ విషయాన్ని షారుఖ్ ట్వీట్ చేస్తూ వెల్లడించారు.
మీరు మీ కుటుంబ సభ్యులతో జవాన్ చూడాలని కోరుకుంటున్నట్లు షారుఖ్ ట్వీట్ చేశారు. జవాన్ కు ప్రేక్షకులు ఇచ్చిన బ్లాక్ బస్టర్ హిట్ కు థ్యాంక్స్ చెబుతూ షారుఖ్ ఈ వన్ ఫ్లస్ వన్ టికెట్ ఆఫర్ పెట్టినట్లు తెలుస్తోంది. రెడ్ చిల్లీస్ ఎంటర్ టైన్ మెంట్ బ్యానర్ లో దర్శకుడు అట్లీ రూపొందించిన ఈ సినిమా బాలీవుడ్ వసూళ్లలో 600 కోట్లకు రీచ్ అవుతోంది. జవాన్ తో షారుఖ్ తో పాటు నయనతార, విజయ్ సేతుపతి వంటి తమిళ యాక్టర్స్ కు మంచి పేరొచ్చింది.
