హీరో డ్యుయల్ రోల్ చేసిన, త్రిబుల్ యాక్షన్ చేసినా అన్నాదమ్ములుగానో, తండ్రీ కొడుకులుగానో కనిపిస్తారు. కానీ మామా అల్లుళ్లుగా కనిపించడం అరుదు. అలాంటి అరుదైన అటెంప్ట్ చేశారు హీరో సుధీర్ బాబు. ఆయన కొత్త సినిమా మామా మశ్చీంద్రలో మామా అల్లుళ్ల క్యారెక్టర్స్ లో త్రిబుల్ యాక్షన్ లో నటించారు సుధీర్ బాబు. శ్రీ వెంకటేశ్వర సినిమాస్, సృష్టి సెల్యూలాయిడ్ బ్యానర్స్ లో దర్శకుడు హర్ష వర్థన్ ఈ సినిమాను రూపొందించాడు అక్టోబర్ 6న మామా మశ్చీంద్ర రిలీజ్ కు రెడీ అవుతోంది. ఇవాళ ట్రైలర్ రిలీజ్ చేశారు. ఆ ట్రైలర్ ఎలా ఉందో రివ్యూలో చూద్దాం.
పరశురామ్ (సుధీర్ బాబు) అనే డాన్ కు ఇద్దరు కూతుళ్లు( ఈషా రెబ్బా, మృణాళినీ రవి). ఈ ఇద్దరు అమ్మాయిలు డీజే (సుధీర్ బాబు), దుర్గా (సుధీర్ బాబు) లవ్ లో పడతారు. తమ తండ్రి పోలికలతో ప్రేమించిన అబ్బాయిలు డీజే, దుర్గా ఉండటం ఇద్దరు హీరోయిన్స్ ను సర్ ప్రైజ్ చేస్తుంది. డీజే, దుర్గా ఇద్దరూ పరశురామ్ కు మేనళ్లుల్లు. అయితే వారిని ద్వేషిస్తుంటాడు పరశురామ్. మేనళ్లుల్లను శత్రువులుగా భావిస్తాడు. పరశురామ్ కు అంత కోపం ఎందుకొచ్చింది. దీని వెనకున్న ప్లాష్ బ్యాక్ ఏంటి అనేది మిగిలిన కథ.
సాధారణంగా కథకు చిన్న హింట్ ఇస్తుంటారు ట్రైలర్ లో. కానీ దర్శకుడు హర్షవర్థన్ మొత్తం కథను ట్రైలర్ లో చెప్పేశాడు. బికినీ లాంటి చిన్న పీస్ మిగిల్చాడు. అది తెరపై చూడాలని. ఇలాంటి ట్రైలర్ కట్ కు ప్రొడ్యూసర్స్ ఎలా ఒప్పుకున్నారో తెలియదు. మూడు పాత్రల్లో సుధీర్ బాబు ఆకట్టుకున్నాడు. ఈషా రెబ్బా, మృణాళినీ రవి కూడా ఎనర్జిటిక్ గా కనిపించారు. హర్ష దర్శకత్వంతో పాటు ఓ కీ రోల్ కూడా చేశాడు. ఓ యాక్షన్ డ్రామాను తెరపై చూపించబోతున్నట్లు ట్రైలర్ ద్వారా తెలుస్తోంది.
