కన్నడ స్టార్ హీరో యష్ తన కొత్త సినిమా ప్రీ ప్రొడక్షన్ పనుల్లో బిజీ అయ్యాడు. రీసెంట్ గా హాలీవుడ్ స్టంట్ డైరెక్టర్ జేజే పెర్రీని లండన్ లో మీట్ అయ్యాడు.తన కొత్త సినిమా స్టంట్స్ వర్క్ కోసమో ఈ మీటింగ్ లో యష్ పార్టిసిపేట్ చేశాడని తెలుస్తోంది. జేజే పెర్రీతో యష్ ఫొటోస్ బయటకు వచ్చి సోషల్ మీడియాలో చక్కర్లు కొడుతున్నాయి.
కేజీఎఫ్ 2 రిలీజ్ తర్వాత ఏడాదిన్నర కాలంగా యష్ తన కొత్త సినిమాను అనౌన్స్ చేయలేదు. కేజీఎఫ్ సక్సెస్ తో వచ్చిన ఇమేజ్ వల్ల ఎలాంటి సినిమా చేయాలనే సందిగ్ధంలో ఉండిపోయారు యష్. ఇప్పుడు ఆయన తన 19వ సినిమాకు సైన్ చేశారు. లార్జర్ దేన్ లైఫ్ కథతో దర్శకురాలు గీతూ మోహన్ దాస్ ఈ సినిమాను తెరకెక్కించనున్నారు. అక్టోబర్ లో ఈ సినిమా లాంఛనంగా ప్రారంభం కానుందని తెలుస్తోంది. డిసెంబర్ నుంచి రెగ్యులర్ షూట్ చేయాలని టీమ్ భావిస్తున్నారట.
