కర్ణాటకలోని మైసూర్ లో ఓ మ్యూజియంలో బాహుబలి గెటప్ లో ఉన్న ప్రభాస్ మైనపు విగ్రహాన్ని పెట్టారు. ఈ ఫొటోస్ సోషల్ మీడియాలో వైరల్ అవుతున్నాయి. అయితే ఈ విగ్రహం తమను సంప్రదించకుండా అనధికారికంగా పెట్టారంటూ నిర్మాత శోభు యార్లగడ్డ ఆగ్రహం వ్యక్తం చేశారు. ఈ విగ్రహాన్ని వెంటనే తొలగించేందుకు చర్యలు తీసుకుంటామని ఆయన ట్వీట్ చేశారు.
బాహుబలి గెటప్ లో ప్రభాస్ మైనపు విగ్రహాన్ని ఏమాత్రం ఆకర్షణ లేకుండా తయారు చేశారు. ఈ విగ్రహం అసలు ప్రభాస్ లా కనిపించడమే లేదు. బాహుబలి ప్రభాస్ హెయిర్ స్టైల్ కు ఈ విగ్రహం హెయిర్ స్టైల్ కు సంబంధమే లేదు. అనధికారికంగా ప్రభాస్ మైనపు విగ్రహాన్ని తయారు చేసిన వారిపై అటు అభిమానులు కూడా ఆగ్రహం వ్యక్తం చేస్తున్నారు. ప్రభాస్ మైనపు విగ్రహం ఇప్పటికే లండన్ లోని ప్రతిష్టాత్మక మేడమ్ టుస్సాడ్స్ మ్యూజియంలో ఏర్పాటుచేశారు.
