టాలీవుడ్ లో ఒక సెన్సేషన్ లా దూసుకొచ్చింది శ్రీలీల. అందంతో అదిరిపోయే స్టెప్పులు చేయగల శ్రీలీల టాలెంట్ ప్రేక్షకుల్ని ఆకట్టుకుంది. ఇండస్ట్రీలో గత కొద్ది రోజులుగా ఆమె టాక్ టాక్ ఆఫ్ ది టౌన్ అయ్యింది. స్టార్ హీరోల సరసన పదికి పైగా సినిమాల్లో నటిస్తోంది శ్రీలీల. ఈ జోరులో ఆమె డేట్స్ ఇబ్బంది అయి కొన్ని సినిమాలు వదిలేసుకుంటున్నవీ ఉంటున్నాయి. ఈ క్రమంలో మరో భారీ ప్రాజెక్ట్ శ్రీలీలకు దక్కినట్లు తెలుస్తోంది. అదే ప్రభాస్, దర్శకుడు హను రాఘవపూడి సినిమా.
ప్రభాస్, దర్శకుడు హను రాఘవపూడి కలిసి ఓ సినిమా చేయబోతున్నారు. ఈ చిత్రాన్ని వైజయంతీ మూవీస్ నిర్మించనుందని సమాచారం. ఇక ఈ సినిమాలో హీరోయిన్ గా శ్రీలీలను అనుకుంటున్నారట. పీరియాడిక్ లవ్ స్టోరిగా తెరకెక్కనున్న ఈ సినిమాను భారీ ప్రొడక్షన్ వ్యాల్యూస్ తో తెరకెక్కించబోతున్నారు. ఈ సినిమాలో శ్రీలీలకే అవకాశం దక్కనుందని టాక్ వినిపిస్తోంది.
త్వరలో ప్రభాస్, హను రాఘవపూడి సినిమాకు సంబంధించిన ప్రీ ప్రొడక్షన్ మొదలయ్యే అవకాశముంది. ప్రస్తుతం స్క్రిప్ట్ వర్క్ జరుగుతోంది. ఇప్పటికే పవన్, మహేశ్ లాంటి స్టార్స్ తో సినిమాలు చేస్తున్న శ్రీలీల…ప్రభాస్ కు జోడీగా కనిపిస్తే ఆమె అందరు స్టార్ హీరోలతో కలిసి నటించాలనే గోల్ కు మరింత దగ్గరయినట్లే.
