ప్రభాస్ పాన్ ఇండియా మూవీ సలార్ రిలీజ్ డేట్ పోస్ట్ పోన్ అయినప్పటి నుంచి కొత్త డేట్ ఎప్పుడు ప్రకటిస్తారా అని ఫ్యాన్స్ ఎదురుచూస్తున్నారు. ఈ నేపథ్యంలో సలార్ మూవీ రిలీజ్ డేట్ గురించి రకరకాల స్పెక్యులేషన్స్ వస్తున్నాయి. నవంబర్ అనీ, డిసెంబర్ అనీ టాక్స్ వినిపించాయి. ఇక లేటెస్ట్ గా సలార్ రిలీజ్ డేట్ పై కొత్త అప్ డేట్ తెలుస్తోంది. వచ్చే సంక్రాంతికి సలార్ రిలీజ్ కానుందని టాక్ వినిపిస్తోంది.
వాస్తవానికి ఈ స్లాట్ లో ప్రభాస్ కల్కి 2898ఏడీ సినిమా రావాల్సి ఉంది. వైజయంతీ మూవీస్ లో దర్శకుడు నాగ్ అశ్విన్ రూపొందిస్తున్న ఈ భారీ బడ్జెట్ చిత్రాన్ని మొదట సంక్రాంతి కే రిలీజ్ చేయాలని అనుకున్నారు. అయితే పోస్ట్ ప్రొడక్షన్, గ్రాఫిక్స్ వర్క్ కు ఇంకాస్త సమయం కావాల్సి ఉన్నందున కల్కి మూవీని సమ్మర్ కు రిలీజ్ చేయాలని అనుకుంటున్నారు.
దీంతో కల్కి 2898ఏడీ స్లాట్ ను సలార్ కు తీసుకుంటే ఎలా ఉంటుందనే ఆలోచన మేకర్స్ లో మొదలైంది. ఫ్యాన్స్ కు మాత్రం ప్రభాస్ ఒక సినిమా సంక్రాంతికి మిస్ అయితే ఆ స్లాట్ కు మరో సినిమా రావడం హ్యాపీనే.
