టాలీవుడ్ లోకి రాబోతున్న మరో బిగ్గెస్ట్ ప్రాజెక్ట్ ఎస్ఎస్ఎంబీ 29. దర్శకుడు రాజమౌళి, మహేశ్ బాబు కాంబినేషన్ లో రాబోతున్న ఈ మూవీపై హ్యూజ్ బజ్ క్రియేట్ అవుతోంది. ఎస్ఎస్ఎంబీ 29గా పిలుస్తున్న ఈ ప్రాజెక్ట్ అఫీషియల్ అనౌన్స్ మెంట్ ఇంకా రాలేదు. కానీ బ్యాక్ ఎండ్ వర్క్ జరుగుతున్నట్లు తెలుస్తోంది. ప్రీ ప్రొడక్షన్ పనుల్లో టీమ్ ఉన్నట్లు తెలుస్తోంది. కీ రోల్స్ కోసం నటీనటులను ఎంపిక చేస్తున్నారు. తాజాగా ఈ విషయంలో ఓ న్యూస్ వైరల్ అవుతోంది.
సైజ్ జీరో, ఎఫ్ 3, ఘోస్ట్ వంటి చిత్రాల్లో నటించిన సోనాల్ చౌహన్ ను ఎస్ఎస్ఎంబీ 29 లో ఓ కీలక పాత్ర కోసం సంప్రదించిట్లు సోషల్ మీడియాలో న్యూస్ చక్కర్లు కొడుతోంది. అంటే కాస్టింగ్ వర్క్ మొదలైనట్లే అని అభిమానులు సంతోషాన్ని వ్యక్తం చేస్తున్నారు. ఈ మూవీకి ఇంకా స్క్రిప్ట్ వర్క్ ఫైనల్ అవలేదు. రాజమౌళి సినిమా కాబట్టి మహేశ్ ఏమాత్రం స్క్రిప్ట్, ఇతర పనుల్లో జోక్యం చేసుకోకపోవచ్చని భావించవచ్చు.
ఈ ఇయర్ ఎండింగ్ కల్లా ఫార్మల్ అనౌన్స్ మెంట్ చేసి వచ్చే ఏడాది మూవీని సెట్స్ మీదకు తీసుకెళ్తారని తెలుస్తోంది. ఈ చిత్రాన్ని శ్రీ దుర్గా ఆర్ట్స్ పతాకంపై కేఎల్ నారాయణ నిర్మించనున్నారు. ఆఫ్రికన్ ఫారెస్ట్ అడ్వెంచర్ గా సినిమా తెరకెక్కనుంది.
