థియేటర్ లో సెన్సేషన్ సృష్టించిన బేబి అదే సక్సెస్ ను ఓటీటీలోనూ కొనసాగిస్తోంది. ఆనంద్ దేవరకొండ, వైష్ణవి చైతన్య, విరాజ్ అశ్విన్ హీరో హీరోయిన్లుగా నటించిన బ్లాక్ బస్టర్ మూవీ బేబి ఆహా ఓటీటీలో స్ట్రీమింగ్ అవుతోంది. ఈ సినిమా జస్ట్ 32 అవర్స్ లో 100 ఫ్లస్ మిలియన్ మినిట్స్ వ్యూయర్ షిప్ తెచ్చుకుంది కొత్త రికార్డ్ సృష్టించింది. ఇది ఓటీటీలో అరుదైన రికార్డ్ గా చెబుతున్నారు. యూత్ ఆడియెన్స్ లోకి బేబికున్న క్రేజ్ ఈ రికార్డ్ తో వెల్లడవుతోంది.
మాస్ మూవీ మేకర్స్ నిర్మాణంలో దర్శకుడు సాయి రాజేశ్ ఈ సినిమాను రూపొందించారు. బేబి సినిమా ఎమోషన్, లవ్, యూత్ ఫుల్ అంశాలతో ప్రేక్షకుల్ని ఆకట్టుకుంది. ఈ సినిమా విడుదలయ్యాక మెగాస్టార్ నుంచి అల్లు అర్జున్, విజయ్ దేవరకొండ వంటి స్టార్స్ బెస్ట్ విశెస్, అప్రిషియేషన్స్ అందుకుంది. తెలుగు తెరపై ఓ కల్ట్ లవ్ స్టోరిగా మారింది. బేబి రానున్న రోజుల్లో ఓటీటీలో ఎలాంటి హిస్టరీ క్రియేట్ చేస్తుందో చూడాలి.
