ఐకాన్ స్టార్ అల్లు అర్జున్ హీరోగా క్రియేటీవ్ డైరెక్టర్ సుకుమార్ తెరకెక్కిస్తోన్న భారీ పాన్ ఇండియా మూవీ పుష్ప 2. ఈ సినిమాను మైత్రీ మూవీ మేకర్స్ సంస్థ నిర్మిస్తుంది. ఈ సినిమాని డిసెంబర్ లో రిలీజ్ చేయాలి అనుకున్నారు కానీ.. అనుకున్న విధంగా షూటింగ్ జరగకపోవడంతో రిలీజ్ వాయిదా పడింది. సంక్రాంతికి అయినా రిలీజ్ చేయాలి అనుకున్నారు. అయితే.. సంక్రాంతికి కూడా పుష్ప 2 థియేటర్లోకి వచ్చే పరిస్థితి లేదు. మరి.. ఎప్పుడు వస్తుంది అంటే.. వచ్చే సంవత్సరం సమ్మర్ లో పుష్ప రాజ్ థియేటర్లోకి రానున్నాడని టాక్ వినిపిస్తోంది.
అయితే.. పుష్ప చిత్రానికి సీక్వెల్ గా పుష్ప 2 రూపొందుతోంది. ఇప్పుడు పుష్ప 2 చిత్రానికి సీక్వెల్ గా పుష్ప 3 ప్లాన్ చేస్తున్నారట. పుష్ప 2 ఎండింగ్ లో పార్ట్ 3 కూడా ఉందనేలా ఎండ్ చేస్తారట. ఈ విషయాన్ని ఫాహిద్ ఫాజిల్ ఆమధ్య ఓ ఇంటర్ వ్యూలో బయటపెట్టాడు. ఇప్పుడు మరోసారి పుష్ప పార్ట్ 3 అనేది వార్తల్లో నిలిచింది. మైత్రీ మూవీ మేకర్స్ ఏమాత్రం రాజీపడకుండా మంచి క్వాలిటీతో ఈ సినిమాను నిర్మించేందుకు ప్లాన్ చేస్తుంది.
ఈ సినిమాను కంప్లీట్ చేసి బన్నీ.. త్రివిక్రమ్ తో మూవీని స్టార్ట్ చేయాలి అనుకుంటున్నాడట. అందుకనే సాధ్యమైనంత ఫాస్ట్ గా ఈ చిత్రాన్ని కంప్లీట్ చేయాలని సుకుమార్ కు బన్నీ చెప్పారట. జనవరికి ఈ సినిమాని పూర్తి చేయాలి అనేది ప్లాన్ అని సమాచారం.
