విజయ్ దేవరకొండ, సమంత జంటగా పాన్ ఇండియా ఫిల్మ్ సెప్టెంబర్ 1న రిలీజ్ కు రెడీ అవుతోంది. మైత్రీ మూవీ మేకర్స్ నిర్మాణంలో దర్శకుడు శివ నిర్వాణ ఈ చిత్రాన్ని రూపొందించారు. ఈ సినిమాలో మణిరత్నం మూవీస్ తరహా అందమైన విజువల్స్ చూస్తారని అంటున్నారు సినిమటోగ్రాఫర్ జి.మురళి. విప్లవ, ఆరాధ్య ప్రేమ కథ ప్రేక్షకులకు కొత్త అనుభూతిని ఇస్తుందని ఆయన చెబుతున్నారు. తాజా ఇంటర్వ్యూలో ‘ఖుషి’ చిత్రానికి పనిచేసిన అనుభవాలు తెలిపారు సినిమాటోగ్రాఫర్ జి. మురళి.
సినిమాటోగ్రాఫర్ జి.మురళి మాట్లాడుతూ – ప్రేమ గురించి కలలు కనే యువకుడికి లవ్, లైఫ్ అంటే మన ఊహించినట్లు ఉండదని తెలిసిరావడమే ఈ సినిమా నేపథ్యం. మణిరత్నం సినిమాల్లో సినిమాటోగ్రాఫర్ పీసీ శ్రీరామ్ చూపించే విజువల్ బ్యూటీ ఈ చిత్రంలో చూస్తారు. అయితే అలాంటి సీన్స్ ను మేము కాపీ కొట్టలేదు. అలాంటి ఫీల్ కలిగించేలా విజువల్స్ ఉంటాయి. శివ నిర్వాణ సినిమా మేకింగ్ మీద ఇష్టం ఉన్న దర్శకుడు. లవ్, ఫ్యామిలీ ఎంటర్ టైనర్ గా ‘ఖుషి’ ఉంటుంది. ఇందులో విప్లవ్, ఆరాధ్య క్యారెక్టర్ లలో విజయ్, సమంత నటన మిమ్మల్ని ఎంతగానో ఆకట్టుకుంటుంది. వాళ్ల క్యారెక్టర్స్ మధ్య వచ్చే సందర్భాల్లో విజయ్, సమంత చూపించిన ఎమోషన్స్, డీటెయిల్స్ సినిమాకు ఒక బ్యూటీ తీసుకొచ్చాయి. క్యారెక్టర్ లో ఎంతవరకు నటించాలో విజయ్ కు బాగా తెలుసు. ‘ఖుషి’లో అన్ని కమర్షియల్ అంశాలుంటాయి. ‘ఖుషి’లో బ్యూటిఫుల్ ఫీల్ గుడ్ విజువల్స్ తెరపైకి తీసుకొచ్చే అవకాశం కలిగింది. ఫుల్ లైఫ్ తెరపై చూపిస్తున్న ఫీలింగ్ కలిగింది. ఈ సినిమా చూడటం పూర్తయ్యాక మీకొక కొత్త అనుభూతి కలుగుతుంది. కెమెరా ద్వారా ఆ ఎమోషన్ తీసుకొచ్చేందుకు నా ప్రయత్నం చేశాను. అన్నారు.
